Asosiy mavzular
29 may 2017

Muzqaymoqdan zaharlangan 100 bemorga Salmonellyoz tashxisi qo‘yildi

Andijonning Shahrixon tumanida muzqaymoqdan zaxarlangan 100 kishiga salmonellyoz kasalligi tashhisi qo‘yilgan. Bu haqda Eltuzga ismi sharifini sir tutishni so‘ragan shahrixonlik shifokor ma'lum qildi.

Uning Eltuz muxbiriga aytishicha, Muzqaymoqdan zaharlanganlarning tashhislarida salmonellyoz kasalligi aniqlangan bo‘lsada, shifokorlarga bu haqda hech kimga oshkor etmaslik uqtirilgan.

Salmonellyoz – o‘tkir ichak infektsiyasi bo‘lib, kasallikni oziq-ovqat mahsulotlarida uzoq vaqt saqlanuvchi bakteriyalar – salmonellalar tashiydi.

«Salmonellyoz shunday kasallik-ki, bosh og‘riydi, ko‘ngil ayniydi, ich ketadi, oshqozon va ichaklarda og‘riq turadi, odam xushidan ketishi mumkin, og‘ir formasida hatto jigar va taloq shishib ketadi, sog‘ayish ba'zan bir yarim oygacha cho‘zilishi mumkin»,- deydi shahrixonlik shifokor.

Uning so‘zlariga ko‘ra, kasallik simptomi yaqqol ko‘rinishi bilan birga, umuman ko‘zga tashlanmasligi ham mumkin.

Keyingi holatda kasallikka chalingan odam, uni boshqalarga yuqtiradi, o‘zi esa bundan jabr ko‘rmaydi.

Muzqaymoqdan zaharlanganlar orasida hali ham salomatligi to‘liq tiklanmagan bemorlar bor va ularda ham bu kasallik topilishi mumkin.

«Bir kishiga kasalxonadan erta javob berib yuborishibdi. Keyin u sog‘ligi yaxshilanmagach, portalga murojaat qilgan ekan, shu bois yana Toshkentdan komissiya kelib qaytadan tekshiruvlar o‘tkazibdi», – deydi shahrixonlik savdogar ayol.

Bundan avval Eltuz Andijon viloyatining Shahrixon tumanida 16 may kuni yuzlab odamlarning muzqaymoqdan zaxarlanib kasalxonaga tushgani haqida xabar bergan edi.

Voqea tafsilotlarini o‘rganish uchun kelgan komissiya xulosalariga ko‘ra, ushbu voqea sanitariya-gigiena qoidalariga amal qilinmasdan tayyorlangan muzqaymoq iste'mol qilish oqibatida kelib chiqqan.

O‘tgan vaqt davomida barcha tuman va shaharlardagi muzqaymoq biznesi bilan shug‘ullanuvchi tadbirkorlar qat'iy tekshiruvdan o‘tkazilgan.

Tekshiruv natijasida, frezerli muzqaymoq tayyorlash qonun-qoidalariga rioya etishda kamchiliklar mavjudligi aniqlangan.

«Hukumat tadbirkorlarga keng yo‘l ochib, ular faoliyatini bexuda tekshirmaysan, deb qo‘ygani uchun ham nazorat susayib ketgandi. Endi har bir tadbirkorning mahsuloti tekshirilyapti», deydi SES xodimlaridan biri.

Eltuz.com

Tag‘in o‘qing
13 may 2016
Andijon voqealaridan 11 yil o‘tib, Amerika Qo‘shma shtatlari, Yevropa Ittifoqi va boshqa xalqaro tashkilotlar O‘zbekiston hukumatini javobgarlikka tortish talablarini ...
18 noyabr 2019
Qadimgi va zamonaviy demokratik tuzumlarda ijtimoiy ahamiyatga molik masalalar ko‘pincha ovoz berishga murojaat bilan tugaydi. Fuqarolar o‘zlari xohlagan o‘zgarishni ...
11 oktyabr 2017
Bobomurod ishi, no‘noq rejisser sahnalashtirgan, biroq chinakam jallodlar ishtirokidagi qonli teatrni eslatadi. O‘zbekiston Tashqi ishlar vazirligi sobiq mulozimi, hozirda ...
2 mart 2018
Prezident Mirziyoevning 28 fevralda chiqargan «vinochilikni rivojlantirish» haqidagi qarori ortidan respublika nashrlari birin-ketin bu mavzuni tashviq qila boshlashdi. «Xalq ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...