Asosiy mavzular
16 iyun 2017

“Mardikorlar profsoyuzi” faolining qamoqda o‘lgani yarim yil o‘tib ma'lum bo‘ldi

Mardikorlar kasaba uyushmasini tashkil qilishga uringan faol Nuraddin Jumaniyozovning 2016 yilning 31 dekabr kuni 68 yoshida qamoqxonada vafot qilgani yarim yil o‘tib ma'lum buldi. Foto: Mahkum o‘zbek faollari (o‘ngdan) Nuraddin Jumaniyozov va Fahriddin Tillaev

Inson huquqlari himoyachisi Nadejda Ataevaning Eltuz nashriga bildirishicha, bu xabarni shu yilning 15 iyunga qadar hukumat amaldorlari ham, marhumning yaqinlari ham yashirib kelishgan.

“Ular indamay kelishdi shuncha vaqt. Biz bu vaqt ichida BMT idoralari, mamlakat elchixonalari orqali qancha so‘rovlar berdik. Unga yordam berishga harakat qilib keldik. Uning xotini hech kim bilan gaplashishni istamadi”, deya bildirdi Nadejda Ataeva Eltuz Nashriga.

U shuningdek, diabet kasali bilan og‘rigan mahkum Jumaniyozovga advokat Polina Brauberg orqali dori darmon jo‘natganini, biroq jazoni ijro qilish muassasi qarshilishi bilan bu dori darmonlar egasiga yetkazilmay, advokatning qo‘lida qolib ketgani haqida gapirdi.

Jumaniyozov Nuraddin, yana bir o‘zbek faoli Fahriddin Tillaev bilan birga “Odam savdosi”da ayblanib 2014 yilning yanvarida hibsga olingandi.

Ayni ayblovlar bilan Jumaniyozov 9 yilga, Tillaev esa 10 yilu 8 oyga hukm qilindi. Ular shuningdek, tergov chog‘ida qiynoqlar qo‘llanganining advokat orqali bildirishgan.

O‘zbek faollari Nuriddin Jumaniyozov va Fahriddin Tillaevlar hibsga olinguniga qadar bir necha yil davomida O‘zbekistonda Mardikorlar va mehnat migrantlari huquqini himoya qilish maqsadida faoliyat olib borishgan.

Ular stixiyali tarzda paydo bo‘ladigan “mehnat birjalari” (mardikor bozorlari)ga borib, mardikorlar bilan tushuntirish ishlari olib borishgan, ularga mehnat huquqlari haqida gapirishgan.

2012 yilning sentyabrida Mardikorlar kasaba uyushmasiga a'zolik anketalarini tarqatishayotganida ularni militsiya ushlagan edi.

Ta'kid joiz, mardikorlar – O‘zbekistondagi eng huquqlari cheklangan toifaning biridir. Odatda ular – O‘zbekistonning qashshoq hududlaridan ish izlab shaharga keladigan yosh yigitlardir.

Toshkent propiskasining yo‘qligi, ko‘pincha ularni majburiy mehnat qurbonlariga aylanishlariga, militsiyaga pora berishlariga sabab bo‘lib keladi.

Eltuz.com

Tag‘in o‘qing
24 may 2016
Buxoroning so‘kong‘ich hokimlaridan birini majlisda bir urib yiqitgan olotlik fermer Bahodir Sharipov nomi elga ovoza bo‘ldi. Ayrim manbalar, hususan ...
16 sentyabr 2020
Vashington shtatidan o‘zini “mustaqil olim” deb atagan shaxs surgundagi o‘zbek ayirmachilarining yetakchisi uchun AQShdagi agent sifatida ro‘yxatdan o‘tgan. Asli ...
9 sentyabr 2019
“Eltuz” har hafta o‘zining yutub kanalida Shvetsiyada yashayotgan o‘zbek oshpazi Do‘stnazar Xudoynazarov bilan hamkorlikda yangi “Bizdan jiz-z” ruknini berib ...
24 avgust 2020
Fayzulla Ubaydullo Xo‘ja o‘g‘li, ya'ni Fayzulla Xo‘jaev 1896 yil 15 martda Buxoro amirligida tug‘iladi. Otasi Ubaydullo Xo‘ja Buxoro amirligidagi ...
Bloglar
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol mollari ...
20 oktyabr 2020
Bundan o‘n yil ilgari poytaxdagi o‘rtacha ikkita amaldor tushlikka bir millionga yaqin pul sarflashini eshitib ...
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...