Asosiy mavzular
22 iyun 2017

Farg‘onalik o‘qituvchi: “Prezident kelib ketsa, ishimiz yengillashsa kerak”

Prezident Mirziyoev 22 iyun kuni Farg‘ona viloyatiga keldi. Byudjet tashkiloti xodimlari ham yengil tin olishdi.

“Shukur” – dedi Eltuz muxbiri bilan suhbatlashgan uchko‘priklik o‘qituvchi. Uning so‘zlariga ko‘ra, deyarli besh oydan buyon prezident keladi deb, ularni ko‘cha tozalashga chiqarishayotgandi.

“Bundan tashqari ipak qurti boqish, g‘o‘zalarni chopiq va yagana qilish ham bizning zimmamizda edi. Endi prezident kelib ketsa ancha ishimiz yengillasa kerak”, deydi u.

Eltuz muxbiri, ayni tashvishlar yuzasidan bir qancha xalq ta'limi vakillarini suhbatga tortdi.

Ikki yil – ta'tilsiz

Aprel oyidagi chiqishlaridan birida Mirziyoev davlat amaldorlari uchun o‘ziga hos «favqulodda vaziyat» e'lon qilgan, ikki yil davomida ulardan sutkasiga 18 soatdan ishlab berishni talab qilgandi.

Uning gaplaridan keyin Farg‘onada ham byudjet tashkiloti xodimlarining ishi ancha ko‘payib qolganligini kuzatish mumkin.

“Odatda har yili 6 iyundan 18 iyungacha barcha o‘qituvchilar mehnat ta'tiliga chiqib bo‘lardi. Ammo bu yil o‘qituvchilarga ta'til yo‘q ekan. Bugun dalaga paxta chopig‘iga bordik”, deydi eltuz muxbiri suhbatlashgan farg‘onalik o‘qituvchi.

Chopiqdan tashqari, paxta zararkunandalariga qarshi kurashish ham o‘qituvchilar zimmasida.

Shu kunlarda ular qishloq biolabaratoriyalarida yetishtirilgan, zararkunandalarga qarshi hashorotlarni paxta dalasiga tarqatish bilan ham ovora bo‘lishmoqda.

“Ertaga dalaga chiqib, paxtaga qurt qo‘yishga boradigan o‘qituvchilar ro‘yxatida ham borman”, deydi yana bir o‘qituvchi ayol.

Ta'mir ham, harajat ham o‘qituvchilar hisobidan

Prezidentning kelishiga Uchko‘prik tumanidagi Kenagas qishlog‘ida joylashgan Haziniy shoirning hilxonasi atrofidagi besh-oltita hovlining tashqi devorlarini suvash, bo‘yash majburiyati ham o‘qituvchilar zimmasiga tushgan.

“O‘qituvchilardan pul yig‘ib, kraska oldik, usta topib o‘sha xonadonlarni ta'mirlab berdik. Endi Prezident kelib-ketgandan keyin dam olsak kerak. Ungacha paxtani chopig‘ini qilib, qurtini ham qo‘yib bo‘lamiz” deydi Uchko‘priklik o‘qituvchi.

Bu holat viloyatning barcha tumanlarida kuzatilmoqda. Masalan Buvayda tumanidagi Poshshopirim nomli ziyoratgoh ham prezident tashrifiga obodonlashtirilmoqda.

Mablag‘ esa tag‘in o‘qituvchilarning cho‘ntagidan chiqmoqda.

Nasima Davron qizi
Farg‘onalik muallif tahallusi
Eltuz.com

Tag‘in o‘qing
26 sentyabr 2016
“Adolat” gazetasi (20.09) “Adolat” sotsial demokratik partiyasi siyosiy kengashi majlisi bo‘lib o‘tgani, unda partiyadan O‘zbekiston prezidenti saylovida ishtirok etadigan ...
6 oktyabr 2016
Ayni kunlarda 4 dekabrda bo‘lib o‘tadigan O‘zbekiston prezidenti sayloviga ishtirok etishi kutilayotgan nomzodlar uchun saylovchilar imzosini to‘plash jarayoni bormoqda. ...
9 may 2017
Bolaligimizda Do‘stjon dadamning Ulug‘ Vatan urushi ishtirokchisi ekanligidan faxrlanardik. Har 9 may bayrami arafasida dadamni maktabga va boshqa majlislarga ...
14 mart 2016
“O‘zbekiston ovozi” gazetasi o‘z mushtariysining: “Prezidentdek odam million-million ishidan ortib, vaqt topib, bizning bola-chaqamiz salomatligini, baxtini o‘ylab, jon kuydirib ...
Bloglar
28 may 2020
Bosh prokuratura koronavirus tarqalishi silsilasini aniqlash oson bo‘lishi uchun fuqarolardan kundalik tutishni so‘raganida ba'zilar buni ...
25 may 2020
“Bi-Bi-Si” radiosi o‘zbek xizmati jurnalisti Muhammad Solihga: “Koronavirus pandemiyasi payti shunday chiqish qilishingiz o‘rinlimi? Buning ...
18 may 2020
1914 yilning 18 mayi deya tarix yozilgan bu surat markazida turgan Abdullabekning evarasi, shu kunlarda ...