Asosiy mavzular
12 iyul 2017

O‘qituvchilar endi baklashka yig‘ishmoqda

Farg‘ona viloyatining barcha tumanlaridagi aksariyat maktablarning o‘qituvchilari baklashka (salqin ichimliklardan bo‘shagan yelim idish) yig‘ishga majburlanmoqda.

«Bizning maktabimizga bir kunda 450 ta baklashka yig‘ish topshirildi», – deydi Eltuz muxbiri bilan suhbatda Buvayda tumanidagi maktablardan birining direktori.

Lekin ayni shu issiq kunlarda baklashka topish qiyin. Chunki ba'zi kishilar bo‘sh baklashkalarni yig‘ib, uni yuvib-tozalab gazsuv sotadiganlarga pullamoqda. Ba'zi maktab o‘quvchilari esa pul topish maqsadida sovuq choyni shunday baklashkalarga quyib bozorlarda, avtostantsiyalarda sotmoqda.

«Yig‘ilgan baklashkalarni tumandagi selxozximiya degan tashkilotga ya'ni qishloq xo‘jaligi ekinlarini zararkunandalardan himoya qiluvchi qishloqxo‘jalik kimyo tashkilotiga topshirib kelayapmiz», – deb so‘zlarini davom ettirdi suhbatdosh.

Bu baklashkalardan g‘o‘zaga tushgan qurt uchun qopqon sifatida foydalanilmoqda.

Baklashkani necha kun yig‘ish, umumiy norma nechta bo‘lishi haqida direktor bilmasligini aytdi. Chunki bu kabi jamoat topshiriqlarining aniq vaqti, belgilangan me'yori yo‘qligiga barcha ko‘nikib qolgan.

O‘tgan yili, o‘qituvchi va shifokorlar ko‘sak qurtini qo‘lda terib olishga safarbar qilingan edi.

Nasima Davron qizi
Eltuz.com

Tag‘in o‘qing
28 aprel 2016
Turkiya ichki ishlar vazirligiga oid maxsus guruh Ko‘nya shahar markazidagi masssaj saloni islovatxonaga aylantirilgani haqida ma'lumotni tekshirish uchun borganida ...
15 yanvar 2020
Dunyoda eng ko‘p tanilgan zamonaviy o‘zbek yozuvchisi 66 yoshli Hamid Ismoil 14 yanvar kuni «Ozodlik-Ozod Yevropa» radiosi Markaziy Osiyo ...
5 may 2015
Institutning birinchi kursida o‘qiganim 1980 yilda mang‘itlik shoir Mansur Axmedov bilan jo‘ra edik. Mansur Axmedov bir kuni menga Abdulla ...
10 may 2023
O‘zbek badiiy kinosiga asos solgan Yo‘ldosh A'zamov 1909 yilning 10 mayida Sirdaryoda tug‘ildi. Yo‘ldosh A'zamov «Sovkino», «Vostokkino», «O‘zbekfilm»larda ishladi, ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...