Mirziyoev Eltuz saytini o‘qiydimi? (video)

«Mana bitta misol, ertalab men Internetni o‘zim ochib o‘qidim, buni menga hech kim bermaydi!» dedi Mirziyoev deputatlar bilan 12 iyul o‘tgazgan majlisda.

Shundan so‘ng u Eltuz nashrida 11 iyul kuni chop etilgan «Vohid Amonov: Vaqtida operatsiya qilinganida xotinim tirik bo‘lar edi» sarlavha ostidagi maqolani to‘liq o‘qib berdi.

«Oliy majlisdan kelishadi, deb yopib qo‘ygan laboratoriyani, kattalar keladi deb! Hammamiz katta bo‘lib ketganmiz-da!» dedi keyin prezident maqolaga izoh berib.

Kimdir buni prezident feysbukdan, kimdir «Ozodlik» saytidan o‘qib berganinini bildirmoqda.

Biroq, «Ozodlik» saytida ayni mavzudagi maqola 12 iyul tushdan keyin paydo bo‘ldi, majlis esa ertalab boshlangan.

«Biz ham o‘qiyapmiz shu maqolani, lekin saytlardanmas, feysbukdan» deya izoh qoldirdi Dapushka Oq ismli yuzer.

Voqeani o‘rgangan Bi Bi Si o‘zbek xizmati, prezident Mirziyoev majlisda deputatlarga o‘qib bergan maqola O‘zbekistonda bloklangan Eltuz nashridagi bilan so‘zma-so‘z to‘g‘ri kelishini aniqlagan.

Video: https://youtu.be/piK6U9lC-sY
Eltuz.com