Asosiy mavzular
20 sentyabr 2017

Guliston Davlat universiteti paxta terimiga jo‘nab ketdi

Sirdaryo viloyatidagi yagona Oliy o‘quv yurti Guliston Davlat Universiteti talaba va o‘qituvchilari 15 sentyabr kuni paxta terimiga jo‘nab ketishdi.

Gulistonlik talabalar o‘z guruh raxbarlari nazorati ostida dalalardagi vaqtinchalik yotoq joylarida qolib paxta terishmoqda.

«Eltuz»ga bu haqda xabar qilgan Universitet talabasiga ko‘ra, ular paxtaga ketish haqida ikki kun oldin ogohlantirilishgan va terimdan bir kun oldin darslardan ozod etilib, terimga tayyorlanishga ruhsat berilgan.

Ular o‘zlari bilan ko‘rpa-to‘shak, issiq kiyimlar, idish tovoqlar va boshqa yashash uchun zarur buyumlarni o‘zlari bilan olishgan.

«Barcha talabalarga paxta terish majburiy»

«Eltuz» muxbiri suhbatlashgan Universitet talabasi, terimga borish barcha talabalar uchun majburiy ekanini aytadi.

«Agar talabaning terimga bormaslikka ma'lum sabablari, masalan sog‘lig‘i yoki oilasi bilan bog‘liq sabablari bo‘lsa, fakultet dekanidan ruxsat olib, o‘rniga odam yollashi mumkin», deydi u.

Uning bildirishicha, bir oy paxta yotog‘ida qolib ishlash uchun odam yollash narhi – 1 million 200 ming so‘mgacha (100-150 $) bo‘ladi. Terim esa 40-50 kun davom etishi aytilmoqda.

Paxta vaqtida kamdan-kam talabalar sog‘lig‘i yaxshi emasligini isbotlovchi ma'lumot olishga muvaffaq bo‘ladi. Sababi shifoxonalarda ham terim sababli bunday ma'lumotnomalar berish imkoni cheklanadi.

«Sog‘lig‘im yomonligi bois shifoxonaga qatnab, paxta terimidan ozod bo‘lish uchun VKK olmoqchi bo‘ldim. Tekshiruvlar buni tasdiqlasada, menga ma'lumotnoma berishmadi. Paxta vaqti berilmas ekan», deydi bu haqda Universitetning 2-kurs talabasi.

Biroq uning so‘zlariga ko‘ra, tanish bilish orqali bunday ma'lumotnomani olish mumkin. Uning aytishicha, hatto VKK spravkasini sotib olish mumkin ekan, unga kursdoshlari bir talaba 500 ming so‘m a evaziga shunday ma'lumotnomani olganini aytishgan.

Talabalar safarbarligini tashkil etish, shu yilning iyunida sovet komsomoli andazasida tuzilgan yangi tashkilot «O‘zbekiston Yoshlar Ittifoqi»ga yuklatilgan.

O‘zbekiston-Germaniya Forumi Inson huquqlari tashkiloti tomonidan tayyorlangan ushbu videorolikda O‘zbekistonlik talabalarning paxta terimidagi ishtiroki haqida hikoya qilinadi.

Eltuz.com

Tag‘in o‘qing
21 fevral 2019
Oliy sud raisining o‘rinbosari – ma'muriy ishlar bo‘yicha sudlov hay'ati raisi lavozimida ishlagan Bahodir Dehqonov 21 fevral kuni o‘z ...
30 mart 2016
«Buta va yarim butalarning turli ehtiyojlar uchun chopib olinishi tufayli o‘simliklarning urug‘dan ko‘payish xususiyati ancha cheklanib qolyapti. Bugungi kunda ...
30 avgust 2017
1973 yilda Samarqand viloyatining Xatirchi tumanida tug‘ilgan. Toshkent Davlat Universitetining filologiya fakultetida tahsil olgan. O‘zbekiston radiosi va «Amerika ovozi» ...
5 iyul 2019
“Yoshim yetmishdan oshdi. 50 yildan ortiq haydovchilik tajribam bor. Lekin peshonada bor ekan, nevaram tengilar bilan yana haydovchilikka o‘qiyapman”. ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...