Catira
9 oktyabr 2017

To‘rttasi kirdi, to‘rttasi chiqdi…

Jurnalist Bobomurod Abdullaning qamoqqa olinishi ortidan, o‘zbek hukumati uzoq muddat qamoqda saqlangan bir nechta huquq faollarini ozod qildi.

7 oktyabr kuni «Mazlum» inson huquqlari tashkilotining sobiq rahbari 66 yashar A'zam Turg‘unov turmadan chiqarildi. U kasb faoliyati sabab 2008 yili 10 yilga qamalgan edi.

4 oktyabr kuni, 2008 yili mashinasiga giyohvand modda tashlanib 9 yilga qamalgan, 67 yoshli jurnalist Solijon Abdurahmonov ozod etildi;

3 oktyabr kuni esa, o‘n yildan ortiq hibsda saqlangan inson huquqlari faoli 38 yashar A'zam Farmonov qamoqdan qamoqdan chiqdi.

27 sentyabr kuni o‘g‘irlab ketilgan jurnalist Bobomurod Abdulla «Usmon Haqnazar» tahallusi ostida «amaldagi tuzumni o‘zgartirishga chaqiruvchi» maqolalar yozish va «hokimiyatni ag‘darishga urinish»da ayblanmoqda.

Bu haqdagi 1 oktyabrda chiqarilgan sud ajrimi «Eltuz» nashriga 5 oktyabrda kelib tushdi.

Ajrimga ko‘ra, jurnalist Bobomurod Abdullaev bilan birga yana ikki nafar shaxs, Salaev Ravshanbek va Olloyorov Shavkatjonlar ham hibsda qolmoqda.

Bundan ilgari, 27 sentyabr kuni Toshkent aeroportida qo‘lga olingan yozuvchi Nurilla Otaxonovga nisbatan ham «Bu kunlar» kitobi uchan 159-modda bo‘yicha jinoyat ishi ochilgan edi.

Kuzatuvchilarning fikricha, huquq faollarining ozod etilishi, hukumatning jurnalist Abdullaev hibsga olinganidan so‘ng paydo bo‘lgan umumiy fonni yaxshilash istagi bilan bog‘liq.

«Ular (ozod qilingan faollar) Bobomuroddan minnatdor bo‘lishlari kerak» deb yozdi Londonda yashovchi tahlilchi Alisher Ilhomov o‘zining Feysbuk sahifasida.

Rassom Tuz
Eltuz.com

Tag‘in o‘qing
10 aprel 2018
O‘zbekiston prezidentining baliqchilik tarmog‘ini jadal rivojlantirishga doir qo‘shimcha chora-tadbirlar to‘g‘risidagi qarorining ijrosi bosh vazir Aripov, bosh prokuror Murodov va ...
13 noyabr 2018
“Bu yil fermerlarga har yilgidan ko‘ra og‘ir bo‘ldi. Ularga nisbatan zug‘um va zo‘ravonliklar ko‘lami oshsa oshdiki, aslo kamaymadi”. Bu ...
4 avgust 2019
Prezident Mirziyoev 2 avgust kuni o‘tkazgan yig‘ilishda uylarni buzish ishlari bilan norozilik keltirib chiqargan hokimlarni uning siyosatiga xiyonat qilishda ...
29 mart 2022
Toshkentlik bloger 37 yoshli Aqida Mohirova (Aqida Xanum)  o‘z bisotidagi eng qadrli suvratni sotib rus bosqinchilari qamalida qolayotgan Ukrainaning ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...