Document UZ
6 noyabr 2017

“Paxta-2017”ning navbatdagi qurboni. Bog‘cha tarbiyachisi astma xurujidan dalada vafot etdi

Andijon shahridagi 3-maktabgacha ta'lim muassasasi tarbiyachisi Ilvira Pidaevna paxta yig‘im-terimi vaqtida nafas qisishidan vafot etdi.

Hamkasblarining aytishicha, Ilvira mazkur bog‘chada qariyb 10 yildan beri ishlab keladi. Ma'lumot berishlaricha, dalada uning kasalligi xuruj qilgan va tez tibbiy yordam ko‘rsatib ulgurmaslaridan hayotdan ko‘z yumgan.

Paxta yig‘im-terimi munosabati bilan Andijon viloyati hokimi Shuhratbek Abdurahmonov 10 oktyabr kuni viloyat ahliga murojaat bilan chiqib, respublikada 15 oktyabrdan 15 noyabrgacha zarbdor oylik e'lon qilingani, shu munosabat bilan viloyatning barcha aholisi umumxalq hashariga hissa qo‘shishi kerakligini ta'kidlagandi.

-Hokimning viloyat televideniesida qilgan chiqishini o‘zim ko‘rgandim,- deydi fuqarolardan biri. – U paxta haqida juda qattiq gapirgandi. “Yordam so‘rab kelishni bilasanlar, paxta umumiy boyligimiz, hissangni qo‘shib qo‘y. Hamma chiqadi paxtaga, qari bo‘lsa ham chiqadi, yaramasa choyni damlab berib o‘tiradi», degandi. Shundan keyin paxtaga jalb qilinmagan biror soha, birorta xodim qolmadi.

Hukumat buyrug‘i bilan 22 sentyabrda daladan qaytarilgan talabalar, xalq ta'limi va tibbiyot xodimlari oktyabr boshida yana paxtaga olib chiqila boshlangandi.

Maktablar va maktabgacha ta'lim muassasalariga esa har kuni kamida 30-40 nafar ota-onani hasharchi sifatida paxta terimiga jalb qilish topshirilgandi.

«Biz iloji boricha ota-onalarni terimga chiqarishga harakat qilyapmiz. Ammo ularga ham qiyin bo‘lib ketdi-da. Ishlaydigan ota-onalar ish joyidan, ishsizlar esa MFYdan paxtaga chiqyapti. Yetarlicha hasharchi yollanmagani bois ishchi-xodimlar o‘zimiz paxtaga chiqayotgandik. Ilviraning astmasi borligini bilardik, unga dalada ishlash mumkin emas edi»,– deydi marhuma bilan birga ishlagan tarbiyachilardan biri.

Ma'lumotlarga qaraganda, Ilvira 3-maktabgacha ta'lim muassasasiga ishga kirishdan oldin Andijon nashriyot matbaa korxonasi hamda “Andijanskaya pravda” gazetalarida faoliyat ko‘rsatgan. Uning o‘g‘li Rossiyaga ishlagani ketgan va Ilvira uyida yolg‘iz yashayotgandi.

Ayol 28 oktyabr shanba kuni dafn qilingan. Hamkasblarining bildirishicha, marhumaning yaqinlari olisdaligi bois barcha marosimlarni 3-maktabgacha ta'lim muassasasi va nashriyot rahbariyati o‘tkazmoqda.

Eltuz.com

Tag‘in o‘qing
21 may 2021
Oshiqlaring poyingga gul otib ham bo‘ldi, Xilvatlarda labingdan bol totib ham bo‘ldi Va bu haqda kimlargadir sotib ham bo‘ldi ...
25 dekabr 2019
Elektr energiyasi tanqisligi muammosi O‘zbekistonda 2019 yilda ham dolzarbligicha qoldi. Rassom Dumham Eltuz.com
25 aprel 2022
Eltuz pochtasiga kelgan navbatdagi videoda Toshkent-Xorazm yo‘nalishidagi Xalqaro ahamiyatga ega asosiy magistral yo‘lning 27 kilometridagi qazib tashlangan joylar aks ...
5 aprel 2020
Chor davrida oxranka, sovet davrida ChK, GPU, NKVD, KGB, mustaqillik davrida esa SNB asosan millat manfatiga zarar keltirdi va ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...