Catira
27 noyabr 2017

Hokimlar eshak go‘shtli “Sharshara”ni ko‘p yemoqdami?

Bosh prokuratura huzuridagi departament “Sharshara” savdo belgisi ostidagi kolbasalar eshak go‘shti qo‘shilgan holda savdoga chiqarilishining oldini olganini ma'lum qildi.

Bu haqdagi xabarlarda aytilishicha, xorazmlik “hojatbaror”lar “Gold Premium product” MChJga qariyb 70 kg eshak go‘shtini yetkazib bergan.

Bu firma esa eshak go‘shtini qo‘shib, kolbasa chiqarishga hozirlagan. Tekshirib ko‘rilganda eshak go‘shti qo‘shilgan 275 kilogramm yarim tayyor mahsulot ashyoviy dalil sifatida olib qo‘yilgan.

Bunday xabarlarni o‘qiganda kolbasa ishlab chiqarish sohasining har doim doim ham halol faoliyat yuritmaganiga yana bir bor ishonch hosil qilish mumkin.

Andijon shahri hokimi Rahmatullaev o‘qituvchilarni, eshak degan edi

Chunki go‘shtning o‘zi qimmat bo‘lgan davlatda kolbasaning nisbatan arzon bo‘lishi g‘alati tuyuladi. O‘zbekistonda esa aynan shunday.

Shuning uchun O‘zbekistonda kolbasa ishlab chiqarish bilan bog‘liq qonunbuzarliklar haqida tez-tez turli xabarlar paydo bo‘lib turadi.

Ancha yillar oldin “To‘xtaniyoz ota” savdo belgisi bilan chiqadigan kolbasaga qo‘shilgan qo‘shimchalar yuzasidan huquq-tartibot idoralari jinoyat ishi ochgani haqidagi xabarlar urchigandi.

Hali ko‘p vaqt bo‘lmadi, Samarqanddagi “eshaklar qabristoni” haqida ma'lumotlar o‘zbek matbuotini tutdi.

Bu “qabriston”dan abadiy makon topgan eshaklarning go‘shtlari ham O‘zbekistondagi kolbasa ishlab chiqaruvchi kompaniyalarning mahsulotlariga qo‘shilmaganiga kafolat yo‘q.

Bir necha yil ilgari poytaxtdagi talabalar shaharchasidagi kafeda ovqatlanganlar eshak go‘shtidan zaharlangani haqida ham ma'lumotlar oshkor bo‘lgan edi.

Xullas, O‘zbekistonda mol va qo‘y go‘shti qimmatlab, eshaklarga qiron keldi. Ilgari qishloqlarda har bitta oilada eshak bo‘lgan bo‘lsa, bugun bu jonivorni onda-sonda uchratasiz.

Lekin hokimlar tilidan “eshak” so‘zi tushmay qolgani ham bugunning haqiqati. Bu balki eshaklarning kamyoblashib qolgani asoratidir.

Hokimlar ko‘pincha majburiy mehnatni tashkil etishni eplay olmayotgan ta'lim muassasalari rahbarlariga nisbatan shu so‘zni ishlatmoqda.

Ammo bu tobora yo‘qolib borayotgan eshakka nisbatan hurmatmi yoki hokimlarning eshak go‘shtli “Sharshara”ni ko‘p yeyayotgani oqibatimi, buni aniq aytish qiyin.

Bahodir Sharif
Eltuz.com

Tag‘in o‘qing
1 avgust 2017
Iyul oyida O‘zbekiston televideniesi hayotida ro‘y bergan eng muhim hodisa, shubhasiz, “O‘zbekiston 24” telekanalining faoliyat boshlagani bo‘ldi. Garchi mamlakat ...
16 yanvar 2017
Mirziyoevning tadbirkorlik rivoji haqidagi otashin so‘zlariga qaramay O‘zbekistonda kichik biznes nazorat idoralari bosimi ostida tang ahvolda qolmoqda. Shavkat Mirziyoevning ...
6 sentyabr 2016
Yulduz Usmonova 5 sentyabr kuni yutub kanaliga qo‘ygan yangi videomurojaatida Karimovning janozasi haqida gap boshlab, unga dunyoning butun podsholar ...
6 fevral 2016
Har bir o‘quv yili, choragi O‘zbekiston maktablarining eski an'anasi bo‘lgan makulatura, temir-tersak, obuna, turli jamg‘armalardan tashqari, tug‘ilgan kun, archa, ...
Bloglar
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol tavar-buyumlar ...
20 oktyabr 2020
Bundan o‘n yil ilgari poytaxdagi o‘rtacha ikkita amaldor tushlikka bir millionga yaqin pul sarflashini eshitib ...
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...