Asosiy mavzular
19 dekabr 2017

Andijonda yig‘ilishlarga video yoki ovoz yozish uskunasi kiritish taqiqlandi

Andijon viloyati hokimligida ishlovchi manbaning “Eltuz” nashriga 18 dekabr kuni bergan ma'lumotlariga ko‘ra, endi hokimlikda bo‘lib o‘tadigan har qanday yig‘ilishdan oldin qatnashchilarning telefon, kamera, diktofon kabi ovoz yozib oluvchi qurilmalari olib qo‘yiladi.

Kuni-kecha viloyat hokimligida bo‘lib o‘tgan navbatdagi yig‘ilishdan oldin qo‘riqlash xizmati xodimlari har bir qatnashchini birma-bir tekshiruvdan o‘tkazgan.

Dastlab Andijon shahri hokimligiga yozish vositalari bilan kirish taqiqlangandi

“Postda turgan militsiya xodimlari har bir fuqaroni maxsus apparat bilan tekshirib, hatto ayollarning kosmetika vositalarini ham sinchiklab tekshirib, so‘ng ichkariga qo‘yyapti.

Faqat daftar bilan ruchkaga indamayati, xolos. Menimcha, bu rahbarlarning gap-so‘zlari internetga chiqib ketmasligining oldini olish uchun bo‘lsa kerak”, – deydi manba.

Shu yilning 16 oktyabr kuni shahar hokimi, xalq deputatlari Andijon shahri kengashi raisi Dilmurod Rahmatullaev yig‘ilishda shahardagi qator ta'lim muassasalarining rahbarlarini nojo‘ya so‘zlar bilan haqorat qilganligi haqidagi audioyozuv internet tarmoqlariga tarqalgandi.

“Kun.o‘z” saytiga bu audioyozuvni jo‘natgan shaxs majlisda bevosita ishtirok etgan hamda telefon yoki diktofon orqali hokimning ovozini yozib olgan.

Shu voqeadan so‘ng shahar hokimi Dilmurod Rahmatullaevga nisbatan prokuratura ish ochganligi ma'lum qilingandi.

“Kechagi kungi yig‘ilishda viloyat hokimi Shuhrat Abdurahmonov shahar hokimi Rahmatullaevning yonini oldi”, – deydi bizga ma'lumot bergan manba.

U o‘z gaplarida “Rahmatullaev ishlayotgan edi, senlar hech biring ishlamayapsan, qotib o‘tiribsan, u ishlayapti. Endi bunday bemazagarchiliklarga (audioyozuvni nazarda tutgan) yo‘l qo‘yilmaydi”, deb aytdi. Afsuski, uning ovozini yozib olish uchun yonimizda hech qanday vosita yo‘q edi.

Yig‘ilishlarda tez-tez ishtirok etuvchi tashkilot rahbarlaridan birining so‘zlariga qaraganda, ular hokimlardan haqorat, so‘kish eshitaverib o‘rganib qolganlar.

“Bunday haqoratlarni ko‘tara olmaganlar yo infarkt bo‘ladi, yo ishdan bo‘shaydi. Rahbar bo‘lib ishlashga rozi bo‘lgan odam har qanday holatga tayyor turishi, hayotini sug‘urta qildirib olishi kerak!”, – deydi u.

Eslatib o‘tamiz, joriy yilning 6 oktyabr kuni viloyat hokimligida bo‘lib o‘tgan yig‘ilishdan so‘ng Ulug‘nor tumani hokimi Asilbek Yusupov to‘satdan vafot etgan edi.

Shifokorlarning ma'lumotlariga ko‘ra, tuman hokimi infarktni boshidan o‘tkazgan.

O‘shanda yig‘ilishda qanday gap-so‘zlar bo‘lganligi ommaga hanuzgacha noma'lum bo‘lib qolmoqda.

Manbaning so‘zlariga ko‘ra, viloyat hokimligi yig‘ilishlari har safar tushdan so‘ng boshlanib, tungi 23-24 larga qadar davom etadi. Majlislarda viloyat rahbari hatto ayollarni ham ayab o‘tirmasligi, nafsoniyatiga tegadigan gaplar bilan hammaning oldida izza qilishi odatiy holga aylanib qolganligi aytilmoqda.

“Endi bu gaplarning hammasi devorning ortida qolib ketadi, hech kim hech narsani isbot qila olmaydi, hokimlar o‘zlarini ihotalashni uddasidan chiqishdi”, – deydi manba.

Eltuz.com

Tag‘in o‘qing
16 noyabr 2019
Men ko‘pincha bir million dollar pulim bo‘lsa nima qilardim, deb  o‘ylab qolaman. Ëshligimda eski paxsa hovlini yiqib, g‘isht qilib ...
6 avgust 2018
“Men Odilovga: – Ahmadjon aka, pulingizni oling, menga dietik ovqat shart emas. Zonaning oshxonasiga faqat nonimni olib kelish uchun ...
21 fevral 2021
Turkmanistonda 14 yoshli dzyudochi Sulaymon Tursunboev jangda prezidentning qarindoshiga “yutqazib berish”dan bosh tortgani uchun o‘ldirildi. Fojea fevral oyining boshlarida ...
24 aprel 2018
O‘zbekiston Oliy Majlisi Senati sobiq raisi, Xorazm viloyati hokimi 59 yoshli Ilgizar Sobirov “salomatligi yomonlashgani bois o‘z arizasiga ko‘ra” ...
Bloglar
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni ...
11 aprel 2021
«From Me to You» (Mendan senga) — Lennon va Makkartni dueti ijro qilgan zarif bir ...
8 aprel 2021
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz ...