Babayan futbolchilarni sotish uchun hujjat soxtalashtirishda ayblandi

15 yanvar kuni O‘zbekiston futbol federatsiyasi ijroqo‘mi qaroriga ko‘ra, Samvel Babayan «futbolga aloqador har qanday faoliyat bilan shug‘ullanishdan umrbod» chetlashtirildi.

Jumladan, O‘FF rasmiy sayti «Paxtakor» jamoasi bosh murabbiyi bo‘lgan Samvel Babayanning futbolchilar bilan 2018 yil oxirigacha tuzilgan shartnomalarni 2017 yil qilib «o‘zgartirgani» haqida yozdi.

O‘FFga ko‘ra, Babayanning bundan maqsadi – yil so‘nggida erkin o‘yinchilarga aylanadigan futbolchilarni «horijiy klublarga sotish» bo‘lgan.

Shuningdek, Babayanning milliy jamoani nosog‘lom holatga keltirgani, futbolchilarni o‘z holiga tashlab qo‘ygani, tajribali mutaxassislar tavsiyalarini hisobga olmagani qayd etiladi.

Shu bois, 2018 yilgi jahon chempionatiga saralash o‘yinlarida o‘zbek milliy jamoasi darajasi keskin tushib ketgan.

Samvel Babayanning «bu kabi noxolis faoliyati millionlar o‘yini bo‘lgan futbolga nisbatan xalqning noroziligiga sabab bo‘ldi», deya yozadi O‘FF sayti.

Rassom Tuz
Eltuz.com