Asosiy mavzular
4 aprel 2018

San'atkorlar to‘y-hashamlarni cheklashga qarshi chiqishmoqda

«O‘zbekkontsert» davlat muassasasida 30 mart kuni san'atkorlar ishtirokida «To‘y-hashamlarni tartibga solish to‘g‘risida»gi qaror loyihasi muhokama qilindi. Bu haqda majlisda bevosita qatnashgan ishtirokchilardan biri «Eltuz»ga ma'lum qildi.

Majlis qatnashchisining «Eltuz»ga bildirishicha, to‘ylarda san'atkorlar tomonidan shartnoma asosida xizmat ko‘rsatish, xizmat narxlarining eng yuqori miqdorini belgilash, shuningdek, oilaviy tadbirlarga faqat bir nafar san'atkorni (guruhni) jalb etish borasidagi cheklovlar bo‘yicha san'atkorlar fikrlari o‘rganilgan.

Muhokamadagi qonun loyihasi san'atkorlarning noroziligiga sabab bo‘lgan va bu qaror O‘zbekistonda san'at sohasining rivojiga salbiy ta'sir ko‘rsatishi mumkinligi ta'kidlab o‘tilgan.

«O‘zbekkontsert» rasmiy vakilining uchrashuvda bildirishicha, san'atkorlar majlis muhokamasiga qo‘yilgan cheklovlardan norozi bo‘lganlar.

Rasmiy vakilning bergan ma'lumotiga ko‘ra, majlis yakuni bo‘yicha san'atkorlar Senatdan to‘ylarda bitta navbatchi san'atkordan tashqari qo‘shimcha ravishda uch yoki to‘rt san'atkorning ishtirok etishiga ruxsat berilishini so‘rashgan.

Majlis bo‘yicha boshqa batafsil ma'lumot olishning imkoni bo‘lmadi.

Mart oyining boshida, «Eltuz» nashri xabar berganidek, prezident boshchiligida bo‘lib o‘tgan videoselektor yig‘ilishida Shavkat Mirziyoev to‘ylarni keskin tanqid qilgan va ular 150 kishilik bo‘lishini hamda ularni cheklash bo‘yicha Senat qarori chiqishini bildirgan.

Prezident Mirziyoev tanqidi ortidan 15 mart kuni «To‘y-hashamlar, oilaviy tantanalar, ma'raka va marosimlar, marhumlarning xotirasiga bag‘ishlangan tadbirlar o‘tkazilishini tartibga solish to‘g‘risida»gi qaror muhokamaga qo‘yilgan edi.

O‘zbekiston Senati esa to‘y-hashamlarni tartibga soluvchi yangi qarorni qabul qilishga shoshilmayapti.

Senat tomonidan mart oyining oxirida qabul qilinishi kerak bo‘lgan bu qaror ikkinchi marta qaytadan jamoatchilik muhokamasiga qo‘yilgan hamda uning qachon qabul qilinishi va kuchga kirishi bo‘yicha «Eltuz»da hozircha aniq ma'lumotlar yo‘q.

Umid Erkin
Eltuz.com

Tag‘in o‘qing
19 mart 2018
Prezident kelishi oldidan yo‘lni tozalashga olib chiqilgan samarqandlik o‘qituvchi, 23 yoshli Diana Yenikeeva 14 mart kuni «KamAZ» mashinasi tagida ...
20 oktyabr 2022
Muhbir: Solih aka. Bugungi suhbatimizda oilangiz haqida gaplashsak. Ya'ni Madaminbek oilasida tug‘ilgan farzandlar haqida. Siz to‘ng‘ich o‘g‘ilsiz.Muhammad Solih: Men ...
19 sentyabr 2023
Agar Ginnesning qo‘lostidagilarni nafsoniyatiga tegish, g‘ururini toptash, tahqirlash, so‘kinish va urish singari yo‘nalishlarda ham reytingi bo‘lganida edi, g‘oliblikni yaqin ...
12 noyabr 2019
«Bizlarni Toshkentga chaqirsa, bilingki, faqat MVD podvaliga olib kelishadi. “Erk”ni batamom yo‘q qilishni kreslodagi qo‘tir eshshak ukasi Zokir qo‘tirga ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...