Asosiy mavzular
9 aprel 2018

Chirigan piyozning badalini kim to‘laydi?

Bu yil bahorga chiqib Toshkentda piyoz xor bo‘ldi. Ayrim mahallalarga, ko‘p qavatli uylar orasidagi ariqlarda qop-qop to‘kib tashlangan piyozni ko‘rishingiz mumkin.

Bu “mo‘l-ko‘llik” Toshkent shahri hokimligining xalqni arzon piyoz bilan ta'minlash maqsadida zaxira qilgan mahsulotni tekinga tarqatishi sabab kelib chiqdi.

Hozir har bir maktab, bolalar bog‘chasi, mahalla fuqarolar yig‘inlariga tekin tarqatish uchun mashina-mashina piyoz olib kelingan.

Garchi Toshkent shahri hokimligi axborot xizmati “vaziyatni o‘rgangan mutasaddilar piyozning talab darajasida iste'molga yaroqli ekanini o‘z ko‘zlari bilan ko‘rdilar”, deb xabar tarqatganiga qaramay, aslida bunday emas.

“Bir qop piyozdan nari borsa 5-6 kilo yaroqlisi chiqadi. Qolganlari chirib, ko‘karib ketgan. Ishlatib bo‘lmaydi. O‘sha yaroqlisi ham uzoq saqlashga yaramaydi”, deydi tekin piyozdan olgan kishilardan biri.

Mutasaddilarning bildirishicha, tekin tarqatilayotgan piyozning miqdori qariyb 3000 tonnaga yaqin.

Savollar tug‘iladi, xo‘sh, buncha piyozni zaxira qilishga qancha mablag‘ sarflangan? U nega o‘z vaqtida bozorga chiqarilmagan? Axir bu piyoz juda katta mablag‘ sarflanib jamg‘arilgan-ku.

Bu yil Toshkent bozorlarida piyozning narxi unchalik osmonga o‘rlab ketgani yo‘q. Bunga savdo yarmarkalariga chiqarilgan zaxira piyoz ham sabab bo‘lgan bo‘lishi mumkin.

Lekin biror mahsulotni zaxira qilayotganda aholining unga ehtiyoji, bozordagi talab o‘rganilib chiqilmaganmiki, minglab tonna piyoz chiritib yuborildi?

Avvaliga hokimlik chirib borayotgan piyozni xalq ta'limi xodimlariga majburan kilosini 800 so‘mdan sotib, imi-jimida boshog‘riqdan qutulib qolish harakatida bo‘ldi. Ammo bu majburlash oshkor bo‘lgandan keyin tekin tarqatishga o‘tildi.

Ko‘p qismi chirib ketgan, tekin tarqatilayotgan piyozning qiymatini bir xomcho‘t qilib ko‘rsak. Agar 3000 tonna piyozning kilosi o‘rtacha narxi 1000 so‘mdan deb hisoblasak, 3 milliard raqami kelib chiqadi.

Davlatning katta mablag‘i sarflanib jamg‘arilgan piyozning talab darajasida saqlanmagani, shuncha pul sovurilgani uchun kimdir javob beradimi?

Eltuz.com

Tag‘in o‘qing
18 oktyabr 2022
O‘zbekiston «Erk» Demokratik partiyasi lideri bilan bilan qilingan suhbat 2018 yil yozilib, ba'zi sabablarga ko‘ra e'lon qilinmagan edi. Eltuz ...
5 yanvar 2016
Yangi yil arafasida Feysbuk sahifasi ishtirokchilari «Toshkent go‘zali»ni tanlashdi. Aktrisa Olesya Nedobegova bu virtual tanlov g‘olibi bo‘ldi va u ...
11 dekabr 2019
Muhammad Solih hayotiga bag‘ishlangan “Begona” filmining 6-qismida suhbat asnosida adib o‘zi siyosiy surgunda qolayotgan Turkiya unga begona emasligi, Turkiya ...
21 yanvar 2019
Facebook shirkati 17 yanvar kuni Kreml loyihasi bo‘lgan «Sputnik» nashri tashviqotiga xizmat qilgan tarmoqdagi yuzlab sahifalar va akkauntlarni o‘chirdi. ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...