Kundalik
14 may 2018

Ozod etilishi talab etilgan so‘nggi faol qamoqdan chiqdi

O‘zbekistonda “Mardikorlar kasaba uyushmasi”ni tuzgani uchun 10 yilu 8 oyga ozodlikdan mahrum etilgan Faxriddin Tillaev 12 may kuni ozod etildi.

Kelasi kuni u Toshkentda xalqaro tashkilot vakillari bilan uchrashuvida sudgacha tergov paytida unga nisbatan qo‘llangan qiynoqlar haqida gapirib berdi.

Jamoatchilik faollarining ozod qilingan mahkum bilan uchrashuvi

“Mening tirnoqlari orasiga ignalar sanchishdi. Sovuq havoda tashqariga chiqarib, qip yalang‘och qilib, ustimdan sovuq suvlar quyishdi. Badanlarimga elektr tok qo‘llashdi. Oyoqlarimning ostiga troslar bilan urishdi”, dedi Tillaev.

Shuningdek, u diniy va siyosiy mahkumlarga nisbatan zonalarda maxsus “tinchlantiruvchi kuylak” kiydirishlari haqida gapirdi:

“Tergov hibsxonasida men o‘z ko‘zim bilan ko‘rganman, namanganlik Bahriddinovni o‘sha “rubashka”ni kiydirib qiynashgan”.

U yana 47-zona izolyatorida ko‘rgan vakuum qiynoq kamerasi haqida ham gapirib berdi.

“Mahkumni kislorod bermay qiynash uchun mo‘ljallangan maxsus kichkina kamera. Aslida bunday jazo 41-yillarda urush paytida o‘ylab topilgan ekan. Men o‘sha kamerada bir soat o‘tirib, hushimdan ketganman”, deydi sobiq mahkum faollar bilan suhbatida.

O‘z faoliyati uchun «odam savdosi»da ayblanib, 2014 yilning yanvarida hibsga olingan Nuriddin Jumaniyozov 9 yilga, Faxriddin Tillaev esa 10 yilu 8 oyga hukm qilingandi.

Nuriddin Jumaniyozov 2016 yilning 31 dekabr kuni 68 yoshida turmada vafot etgan edi.

Faxriddin Tillaev qamalishidan oldin Nuriddin Jumaniyozov bilan birgalikda “O‘zbekiston mardikorlari kasaba uyushmasi”ni tashkil qilib, mardikorlar huquqlarini himoya qilish bilan shug‘ullanib kelgan.

Huquq himoyachisi Umida Niyozova “Eltuz” bilan suhbatida Faxriddin Tillaev xalqaro jamoatchilik talabi bilan ozod etilgan so‘nggi faol ekanini aytadi:

“Hozirgi paytda O‘zbekiston qamoqlarida huquq himoyachilari yoki jurnalistlar qolgani yo‘q. Ko‘plab uydirilgan va siyosiy dastaklangan ishlarning figurantlari esa hanuz hibsda qolmoqda. Masalan, 2017 yilning dekabrida davlatga xiyonat qilishda ayblangan tarixchi Andrey Kubatin qamoqda. Biroq aynan jurnalistlar va huquq himoyachilaridan qamoqda hech kim qolgani yo‘q. Albatta, O‘zbekistonda erkinlik va demokratiya tantanasi haqida gapirishga hali erta, ammo har holda mamlakatning yaxshi tomonga o‘zgarayotganidan umid bor”.

Eltuz.com

Tag‘in o‘qing
26 yanvar 2017
Mirziyoevning ayrim va'dalari amalga oshmadi. Masalan uning 27 mamlakat sayyohlariga vizasiz kirish izni berish qarori bekor bo‘ldi. Keyinchalik chiqish ...
23 oktyabr 2015
U paytlardagi katta krizis qarshisida hukumat ojiz edi. Migrantlarning kelib ishlashlari tugul, hatto mahalliy xalq ham ishsiz, pulsiz yurardi. ...
28 noyabr 2019
Turkiyada yashayotgan taniqli adib va siyosatchi Muhammad Solih shu yilning 20 dekabrida 70 yoshga to‘ladi. Muhammad Solih hayoti haqidagi ...
18 noyabr 2016
O‘zini avvaliga Sabrina deb tanishtirgan 22 yashar O‘zbekiston vatandoshi Mushtariy. S dugonasi asli ozarbayjonlik 23 yashar Latifa Mamedova bilan ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...