Document UZ
31 avgust 2018

Huquq himoyachisi A'zam Turg‘unov jarimaga tortildi

Toshkentning Shayontovur tuman Ma'muriy sudi, 30 avgust kuni taniqli huquq himoyachisi, 67 yashar, A'zam Turg‘unovni «hokimiyatga bo‘ysunmaganlik»da ayblab bir minimal ish haqi miqdorida jarimaga tortdi.

Turg‘unovning «Eltuz» nashriga bildirishicha, uning jazolanishiga odamlarning norozilik chiqishini tasvirga olgani sabab bo‘lgan.

«Asli voqea 29 avgust kuni bo‘ldi. Biz Maloxat Eshonqulova bilan Mamadali akani birrov ko‘rib kelish uchun yo‘lda ketayotgan edik. Plakatlar ko‘tarib turgan olomonni ko‘rib to‘xtadik. Men shu yerda video va rasmlar oldim. O‘sha yerda bittasi telefonimga yopishib oldi. Men uni itarib yubordim», dedi Turg‘unov.

Uning so‘zlariga ko‘ra, shu bilan u yerda qiy-chuv janjal boshlangan. Turg‘unov yana ozroq surat olib qaytmoqchi bo‘lganida, uni poylab turgan militsiya xodimlari ushlab, qo‘lini qayirib mashinaga solib olib ketishgan. Telefonini tortib olishgan.

Shayhontovur tuman IIB bo‘limida Turg‘unov unga, «miting qilganlarni suratga olish mumkin emas, militsiyaga qarshilik ko‘rsatish mumkin emas»ligini tushuntirishganini aytadi.

Turg‘unov bunga e'tiroz bildirib, taqiqlangan joyda emas, ko‘chada tasvirga olganini aytgan.

Turg‘unovning «Eltuz»ga bildirishicha, shu kuni protokol xujjatlashtirib soat 14.30 dan soat kechki 18.30 gacha uni ushlab o‘tirishadi.

Kechki payt, soat 19.00 larda uni ushlagan militsiya tezkor xodimi Rustam Murodov uni Shayhontovur tuman sudiga olib boradi.

30 avgust kuni sudya Zulunova Sanjar, Ma'muriy Kodeksning 194 moddasiga ko‘ra eng kam ish haqi miqdorida jarima qo‘llaydi.

Huquq faollari, unga «og‘irroq jazo» qo‘llanilmaganiga, jamoatchilik vakillarining bosimi, jumladan sudga, AQSh elchixonasi vakili Piter Pol Galusning kelishi sabab bo‘lganini aytishmoqda.

Biroq, A'zam Turg‘unov «Eltuz» nashriga Mustaqillik bayramidan keyin sud qarori ustidan ariza yozish niyatida ekanini bildirdi.

Uzoq yillar huquq himoyachisi bo‘lgan A'zam Turg‘unov 2008 yili kasb faoliyati sabab 10 yilga qamalgan. 2017 yilning 7 oktyabr kuni ozod etilgan edi.

Eltuz.com

Tag‘in o‘qing
24 mart 2018
Sil (tuberkulyoz) kasalligiga qarshi kurash xalqaro kuni Jahon sog‘liqni saqlash tashkiloti tashabbusi bilan har yili nishonlanadigan esdalik sanadir. Bu ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani qaerdan topasiz! Orzuga ayb ...
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni O‘zbekistondagi fermerlarning muammolari, jumladan, ...
18 aprel 2016
«Milliy tiklanish» gazetasi shu nomdagi partiyaning xalq deputatlari mahalliy kengashlari deputatlari tomonidan «xalq farovonligi» yo‘lida olib borilayotgan ishlar, ular ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...