Catira
20 dekabr 2018

“Bojalar” endi “Yala” ansambliga aylandimi?

“Bojalar” guruhi solisti Jahongir Poziljonov 18 dekabr kuni siyqasi chiqqan “digidon-digidon” qolipidagi “Selfi” deb atalgan yangi klipini tarmoqqa qo‘ydi.

“Agar meni fikrimga qo‘shilsanglar, sizlar ham “Mening prezidentim” degan xeshteg bilan Instagram olamida atmetka qilishingiz mumkin”, deya taklif qildi Poziljonov tarmoqdagilarga.

Biroq hatto prezident Mirziyoevg siyosatiga moyil qatlam ham Poziljonovning yangi klipini ijirg‘anish bilan qabul qildi.

“Sizni maqtagan odam sizning dushmaningiz ekaniga ishonamiz. Sizni ashaddiy dushmanlaringiz bilan tanishtiramiz”, deya yozdi prezidentga taniqli jurnalist Karimberdi To‘ramurod “Selfi” klipini dalil o‘rnida keltirib.

“Men prezidentimizning ustidan Arkadag‘ning ustidan kulgandek kulishlarini istamayman”, deya yozdi bloger Shahnoza To‘raxo‘jaeva Turkmaniston prezidenti shaxsiga shu yo‘sinda sig‘inilayotganiga sha'ma qilib.

Bundan ilgari, 2017 yilning 3 iyun kuni boshqa bir xonanda Dilfuza Ismoilovaning “Sultonimiz omon bo‘lsin!” deya nomlangan Mirziyoevga bag‘ishlangan qo‘shig‘i prezident devoni (bugungi kunda administratsiyasi) tomonidan taqiqlangan edi.

“Sen o‘zing siyosatni tushunmasang, mamlakatda bo‘layotgan islohotlarning mazmun-mohiyatini bilmasang, nima qilasan siyosat xaqida ashula aytib? She'r deb bo‘lmaydi yozgan she'rini. Adabiyotning ostonasiga endi kirib kelgan odam ham bunaqa she'r yozmaydi!” degan edi o‘shanda “O‘zbekkontsert” birlashmasida maxsus majlis o‘tkazgan O‘zbekiston prezidenti devoni vakili Minhojiddin Mirzo.

Qo‘shiq muxlislari Jahongir Poziljonov kuylagan “Selfi” qo‘shig‘i satrlari saviyasi ham shundan ortiq emasligini aytishmoqda.

“Nemislar “Mening fyurerim!” yoki ruslar “Dohiy Stalin!” deya kuylashganida, millionlar qonini to‘kkan shaxsga sig‘inishgan. Poziljonov qo‘shig‘ida bor-yo‘g‘i kursiga sig‘inayapti. O‘zbekistondagi prezident kursisi ham mustabidlar o‘tiradigan shunday fetishga aylangan”, deya fikrlaydi feysbuk yuzeri Muzaffar Qosimov.

Bugun “Mening prezidentim” deya kuylayotgan “Bojalar” guruhi solisti Poziljonov prezident Karimov o‘lgani haqidagi xabar tarqalgan 29 avgust kuni “Dodamiz o‘lmagan!” deya selfi tarqatgan edi.

Rassom Tuz


Eltuz.com
Tag‘in o‘qing
22 iyun 2018
Avvallari Turkiya bizning Markaziy Osiyo davlatlari va turk olami uchun siyosiy, ijtimoiy va iqtisodiy model bo‘lishini orzu qilardik. Biz ...
26 may 2016
Bir necha kundirki, ijtimoiy tarmoqlarda rossiyalik milliarder Alisher Usmonovning 600 million dollarga yaxta sotib olgani duv-duv gap bo‘lyapti. Ba'zan ...
5 aprel 2019
Tibbiyotga oid “The Lancet” internet nashri 3 aprel kuni e'lon qilgan, 195 davlatni qamragan tadqiqot natijasiga ko‘ra yomon ovqatlanish ...
18 aprel 2020
Avrangzeb (toj bezagi) deya tarixga kirgan Abul Muzaffar Muhiddin Muhammad Olamgir (1618—1707) Hindistonda Buyuk mo‘g‘ullar imperiyasi deya atalgan davlatning ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...