Asosiy mavzular
29 yanvar 2019

Prezidentparast yoshlar uysiz qolmoqda

Marhum prezident Islom Karimovning suyangani uni salkam payg‘ambar o‘rnida ko‘rgan yoshlar va qariyalar edi.

U bir parcha non uchun xorijga chiqib ketganlarni “dangasalar” deb haqoratlaganida ham shular unga qarsakbozlik qilgandi.

O‘lgani haqida xabarlar paydo bo‘lganida “prezidentimiz o‘lmagan, bu gaplarni g‘alamislar tarqatyapti”, deganlar, ijtimoiy tarmoqlarda go‘yoki o‘likni tiriltirishga bel bog‘laganlar ham shu o‘zimizning yoshlarimiz edi.

Unga qarshi gapirganlarning “peshonasini o‘rib yorish”ga tayyor ana shunday haybarakallachi yoshlarning bir guruhi bugun prezident va'da qilgan uyni ololmay, ovorai sarson bo‘lib yuribdi.

Bu yigit-qizlar O‘zbekiston yoshlari ittifoqi tashkiloti, ya'ni yangi prezident avvalgi davlat rahbariga haddan ziyod ko‘ngli sust ketgan “Kamolot”ning o‘rniga tashkil etgan uyushmaning a'zolari.

Sadoqati va rejimni mustahkamlashdagi xizmatlari evaziga Islom Karimov hukumati 2014 yilda ularning 630 nafariga Toshkentning Sergeli tumanidan uy-joy berish haqida qaror qabul qilgan.

Keyinchalik bu qaror yangi prezident imzolagan boshqa bir hujjat bilan mustahkamlangan bo‘lsa-da, ular hamon uy-joysiz qolmoqda.

Matbuotda tarqatilayotgan xabarlardan ma'lum bo‘lishicha, bu yosh oilalarning muammosini hatto mamlakat yoshlarining ko‘p yillik yetakchisi Qahramon Quronboev ham yoki hal qila olmayapti, yoki hal qilishdan qochib yuribdi.

Musofir yurtda uy-joysiz yurish haqiqatda juda mushkul. Buni boshiga tushganlar chuqur his qiladi. Har kimning ham o‘z boshpanasi bo‘lsin.

Sobiq “kamolot”chi yoshlarning uy masalasida matbuotda aytgan gaplarini o‘qib, bir jihatga e'tibor qaratdim.

Maqola bu yoshlarning “prezidentimiz, prezidentimiz”, degan gaplari bilan to‘la. Birortasi “vatanimiz”, demayapti.

Muammosi yechimini topishga ham prezidentni qalqon qilyapti. “Kadrlarimiz ruhlantirilmasa, yana chet elga chiqib ketishlar boshlanadi”, degan dag‘dag‘aga o‘xshagan iddao ham bor gaplarida.

Faqat prezident, prezident, deb emas, olgan uyim xalqimga, vatanimga ko‘proq xizmat qilishimga asqatadi”, deb aytinglar sizlar ham!

Odamlar sizlarning timsolingizda o‘sha Karimov maddohlarini ko‘rishdan bezib qolgan. Qolaversa, bugungi prezident sizlardan maddohlikni emas, xalqqa xizmat qilishni so‘rayapti.

Siz esa haliyam eski odatingizdan voz kechadiganga o‘xshamaysiz. O‘sha uylar uchun berilgan sertifikatlarni bekor qilib, ularni hech bo‘lmaganda haqiqiy ilm yo‘lida bir ish qilayotgan tengdoshlaringizga berish kerak, degim keladi.

Lekin, nachora, sizlar ham shu xalqning farzandlarisizlar. Boshpanasizlikdan xudo saqlasin.

Sizlarga atalgan uylar o‘zlaringizga nasib qilsin. Lekin eski odatingizni tashlang…

Sardor Azim
Eltuz.com

Tag‘in o‘qing
4 mart 2019
22 fevral kuni telegra.ph internet sahifasida rus tilida «Teni kuklovodov» («Qo‘g‘irchoqbozlar soyasi») sarlavhasi ostidagi maqola paydo bo‘ldi. Bunda O‘zbekistondagi ...
8 fevral 2017
Namanganlik kuyov, ayni paytda tibbiyot ko‘rigi bo‘limi mijozi Ibodulla Boymatov o‘zi olgan videoni Eltuzga jo‘natdi. «Arshin mololon» kinosidagi kuyov ...
21 yanvar 2019
Bugun prezident Mirziyoev Berlinda. Men so‘nggi 10 yilni o‘tkazgan va menga Islom Karimov mustabidligidan boshpana bergan sevimli shahrimda.  O‘zbekiston ...
2 sentyabr 2021
Bundan yuz yil burun bolsheviklar va Yosh buxoroliklar qo‘li bilan Buxoroning so‘nggi amiri Said Olimxon ag‘darilgan edi. Bir asr ...
Bloglar
23 noyabr 2021
Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz ...
21 noyabr 2021
Siyosatchi bo‘lish¸ siyosatga kirish bugungi O‘zbekistonda boshni kundaga qo‘yish bilan barobar. Bu haqda Jahongirga yozuvdim ...
11 noyabr 2021
Xalqaro jurnalist «Agneshkaxon voqeasi» ko‘p savollarga javoblarni ochib berdi. Kelinglar, jonajon akkreditatsiyadan boshlaymiz. Aynan ularni ...