O‘zbekistonda 23 yashar millioner yashamoqda

O‘zbekiston rahbariyati “bizda millionerlar yo‘q” deb turgan bir paytda Qashqadaryo viloyat Yakkabog‘ tumanida 23 yashar millioner istiqomat qilmoqda.

Agar Yakkabog‘ga borib “qani millioner” desangiz sizga Ro‘ziqul akaning uyini ko‘rsatishadi. Huddi shu uyda Millioner istiqomat qiladi.

rasm785 — Qamashida tug‘ilgan qizaloqqa Ishani, deb ism qo‘yishgandi

Ishonmasangiz pasportini ko‘rishingiz mumkin. Bu yigitning pasportida Millioner Ërmatov Ro‘ziqul o‘g‘li deb yozilgan. Ro‘ziqul aka bu savolga javob beraverib ko‘nikib ham ketgan.

“Ha endi yahshi niyat bilan qo‘ydikda. Balkim hali millioner bo‘lar” deydi Millionerning otasi. 1993 yilda tug‘ilgan Millioner Ërmatov kelgusida Rossiyaga borib ishlab pul topmoqchi.

Qashqadaryoda bolalarga ism qo‘yish masalasidagi erkinlikka hech kim shubha bildirmaydi. O‘tgan yil avgustda Qashqadaryo viloyati, Qamashi tumanida tug‘ilgan qizaloqqa Ishani, deb ism qo‘ygan edi.

Ishani «Yoshlar» telekanalida qisman namoyish qilingan Hindistonda suratga olingan «Senga oshiqman» seriali bosh qahramonlaridan birining ismidir.

Bungacha, O‘zbekistonning turli hududlarida tug‘ilgan bolalarga Ishani (Qashqadaryo), Messi (Farg‘ona), Ronaldo (Xorazm) kabi ismlar qo‘yilgani ma'lum bo‘lgandi. Shuningdek, O‘zbekistonning turli shaharlarida Bryus Li, Chingachguk, Maradona, Neymar, Devid Bekxem, Jumong kabilar uchraydi.

Muqaddas Ro‘zimurodova
Qarshi, Eltuz.com

O‘zbekiston “Tolibon”dan qochgan afg‘on qochqinlarini qabul qilmoqchi emas