Asosiy mavzular
2 fevral 2019

Jasliq mahkumi Iskandar Xudoyberganovning ahvoli og‘irlashdi

O‘n sakkiz yildan ortiq O‘zbekistonning Jasliq qamoqxonasida qolayotgan 44 yoshli siyosiy mahkum Iskandar Xudoyberganovning ahvoli o‘ta og‘irlashgan. Bu haqda «Eltuz»ga 1 fevral kuni mahkumning Shvetsiyada yashayotgan singlisi Dilobar Erkinzoda xabar berdi.

«Jasliqdan kelgan miiltsiya kiyimidagi bir shaxs (qamoqxona yoki JIEBB (GUIN) xodimi) bugun amakimning uyiga kelib, «Iskandar Xudayberganov qarindoshingizmi?» deb so‘ragan, ya'ni akam haqida surishtirgan. Ha, degan javobni olgach, «Men uning oldidan kelyapman, ahvoli o‘ta og‘ir, jiddiy kasallangan, yaqinlaridan kim qamoqxonaga bora oladi?» deya so‘rashgan», dedi Dilobar Erkinzoda «Eltuz» muxbiriga.

Biroq amakisi bilan familiyalari bir xil bo‘lmagani sababli JIEBB xodimi unga va boshqa qarindoshlariga uchrashuv bermasligini bildirgan.

«Qamoqxona xodimi amakimga chet eldagi yaqin qarindoshlari bilan bog‘lanib, vaziyatni tushuntiring va ular zudlikda advokat bilan yetib borishsin qamoqxonaga, deya tayinlab ketishgan», dedi mahkumning singlisi.

Dilobar Erkinzodaning «Eltuz»ga bildirishicha, muammoni huquqiy asosda hal qilish uchun ular Toshkentdan advokat yollashgan. Shved jamoatchiligi, jumladan, Xalqaro Amnistiya vakillariga xabar yetkazilgan.

Iskandar Xudoyberganov 2002 yili Jinoyat kodeksining 14 ta moddasi, jumladan, jinoiy uyushma tuzish, O‘zbekiston konstitutsiyaviy tuzumiga tajovuz, terrorchilik, qotillikda ayblangan. Ayblovga ko‘ra, u «O‘zbekiston islomiy harakati» (O‘IH)ga a'zo bo‘lgan.

Sudda ishtirok etgan «Hyuman rayts uotch» tashkiloti vakili Iskandar Xudoyberganovning tergovda kaltaklangani, elektr toki bilan qiynashgani, MXX hibsxonasiga o‘tkazishganidan so‘ng uxlashga qo‘yishmagani, «ignaga o‘tirg‘azishgani» haqidagi ko‘rgazmalarini qayd qilgan.

Dilobar Erkinzodaning o‘z akasini ozod etish uchun olib borgan kampaniyasi ko‘p jihatdan 2008 yili O‘zbekistonda o‘lim jazosining bekor etilishiga yordam bergan edi.

«O‘lim jazosiga qarshi moratoriya» natijasida Xudoyberganovga belgilangan qatl, uzoq muddatli qamoq jazosiga almashtirilgandi.

Yuzaga kelgan so‘nggi vaziyat bugungi kunda Shvetsiyadan siyosiy boshpana olib yashayotgan mahkumning ota onasi va yolg‘iz singlisini jiddiy tashvishga solmoqda.

Eltuz.com

Tag‘in o‘qing
30 iyun 2017
Mirziyoev artistlar bilan uchrashuvida «xalq uchun ishlayotgan» akterlarga teatr yonidan ko‘p qavatli uy qurib berishni va'da qildi. Prezidentning fikricha, ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL VA RIYo Yaqinda bir ...
21 yanvar 2021
O‘zbekistonning g‘arbiy qismida vatandoshlarning tana a'zolarini o‘lchash deb nomlangan antroponomik taftishga minglab tibbiy xodim safarabar qilindi. Sog‘liqni saqlash vazirligi ...
21 noyabr 2018
Respublika viloyatlari bo‘ylab fermerlarning «davlat xirmoniga mo‘l hosil yetkazib berish» qasamyodiga keltirishi ijtimoiy tarmoqda kulgiga sabab bo‘lmoqda. 21 noyabr ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...