Shantajchi podpolkovnik bir ayolni mashinasida bosib o‘ldirdi

Toshkent shahri IIBB podpolkovnigi 38 yashar Umid Qurbonov poytaxtning Chilonzor tumani Muqimiy ko‘chasida 6 aprel kechasi bir ayolni mashinasida bosib o‘ldirdi.

Telegram kanali orqali tarqalgan videoda katta tezlikda kelayotgan qora «Lasetti» keskin burilib, ikki yo‘l chizig‘ini kesib o‘tgani, yo‘ldan o‘tayotgan ayolni urib yuborib, to‘siqqa urilgani aks etgan.

«Ozodlik» radiosi muxbirining ichki ishlar idorasidagi manbalaridan iqtibos keltirib yozishicha, yo‘l o‘rtasida borayotgan ayolni urib yuborgan shaxs Toshkent shahri IIBB uyushgan jinoyatchilikka qarshi kurashish bo‘limi boshlig‘i Umid Qurbonovdir.

22 mart kuni «Eltuz» sayti «bir-birini tanimaydigan qator toshkentlik tadbirkorlar bilan suhbatlari asosida» 2018 yilda Toshkent shahri IIBB uyushgan jinoyatchilikka qarshi kurashish bo‘limi boshlig‘i etib tayinlangan podpolkovnik Umid Qurbonov haqida tanqidiy maqola chop etgandi.

Maqolada bir-birini tanimaydigan qator toshkentlik tadbirkorlar Umid Qurbonov yangi lavozimga o‘tayotgani iddaosi bilan ta'magirlik qilayotanini iddao etishgan edi.

Bosh prokuratura matbuot xizmatining xabariga ko‘ra, avtohalokat yuzasidan jinoyat ishi qo‘zg‘atilgan. Biroq «Eltuz»ning izoh olish uchun Umid Qurbonov bilan bog‘lanishga urinishlari natija bermadi.

Eltuz.com