Kundalik
11 may 2019

Tintuv qilingan Mahmud Rajabning uyidan «Payg‘ambarlar tarixi» kitobi olib ketildi

Xorazmlik shoir, 56 yashar Mahmud Rajabning uyiga 10 may kuni soat kechqurun 18.30 da o‘zlarini BIB xodimlari deb atagan 10 nafar shaxs kirib kelishgan.

Bu haqda «Eltuz»ga urganchlik mahalliy jurnalist xabar berdi. Shuningdek, uning bildirishicha, bu shaxslar mahalla fuqarolar yig‘ini raisi Zokir Vaisov va uchastka profilaktika noziri Umrboylar hamda Urganch shahridan olib kelingan «xolislar» ishtirokida Mahmud Rajabning uyida kechki soat 20.30 larga qadar tintuv o‘tkazishgan.

«Eltuz» suhbatdoshining bildirishicha, Mahmud Rajabga tintuv qilish qarorini o‘qish va tanishib chiqish uchun imkon berilmagan.

Tintuv jarayonida Mahmud Rajabning uyidan noutbuk, yangi uyali telefon, bo‘sh disklar hamda Muhammad Solihning «Payg‘ambarlar tarixi» kitobi va Oydin Solihning tabobat hususidagi kitoblari olib ketilgan.

Shuningdek, uning uyidan fermerlar bilan bog‘liq turli ma'lumotlar bitilgan 7 varaq qog‘ozni bayonnomada 7 ta varaqa topildi deb olib ketishgan.

Suhbatdoshga ko‘ra, Mahmud Rajab tintuv o‘tkazilganligi to‘g‘risidagi bayonnomaga o‘z huquqlari poymol etilganligi va tintuv qonun talablariga xilof ravishda o‘tkazilganligi bois imzo chekishdan bosh tortgan.

Hozirgi paytda Mahmud Rajab o‘z uyida. Tintuv jarayoni boshlanish jarayonida uyda uning faqat o‘zi bo‘lgan. Turmush o‘rtog‘i va bolalari bilan bog‘lanishga va ularga xabar berishga ruxsat etishmagan.

U talab qilaverganidan so‘nggina ikkita qo‘shnisini chaqirishgan. Shundan keyin tomorqada yurgan xotini xabar topib kelgan.

“Eltuz” nashri 26 mart kuni Gurjistonning Tiflis shahridan qaytayotganida Toshkent aeroportida ushlangan, Yevropa birdamlik markazi seminarida qatnashgan shoir Maxmud Rajabning yonidan chiqqan kitoblar va telefoni musodara qilingani haqida xabar bergan edi.

Eltuz.com

Tag‘in o‘qing
10 noyabr 2017
Bu yil O‘zbekistonda majburiy terimchilar – pedagog, tibbiyot xodimlari va boshqa turli kasblardagi byudjet va xo‘jalik korxonalari xizmatchilari paxta ...
18 sentyabr 2017
Uylandingmi tamom, bir yildan keyin farzand ko‘rmasang «bir balosi bor bularning» kabi tavqi la'natni quchoqlaysan. Mana dopustim, tasavvur qiling ...
14 iyul 2016
«Ijtimoiy fikr» jamoatchilik fikrini o‘rganish markazi yana o‘z so‘rovi va uning natijalari bilan ko‘pchilikning e'tiborini tortdi. Bu galgi so‘rovni ...
10 avgust 2019
Mana, dengiz bo‘ylarida dam olib, qaytib keldik yana ishlashga. Biz dam olgan paytda O‘zbekiston prezidenti qattiq ishlabdi. Ëmonam qattiq ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...