Asosiy mavzular
21 may 2019

Samarqandlik bog‘bon uylari nohaq buzilganidan arz qilmoqda

Samarqand viloyatining Tayloq tumanida yashovchi 60 yashar bog‘bon Norqul Hotamov turar joy va issiqxonalardan iborat ko‘chmas mulklarini tumanning sobiq hokimi nohaq buzib tashlatganidan shikoyat qilmoqda.

«Endi qurib bitkazib, yashamoqchi edik. Hokim yerni boshqa kishiga olib bermoqchi bo‘lgan. Avvaliga avtostoyanka quramiz deb bahona qilishgan edi. Endi esa u yerda kotlovan qazib tashlashgan», deydi Hotamov.

Uning «Eltuz»ga bergan suhbatidan ma'lum bo‘lishicha, bu mulklar Samarqand viloyatining o‘sha paytdagi sobiq hokimi Zoir Mirzaev davrida, Tayloq tumani sobiq hokimi Po‘lat Ahmedov buyrug‘i bilan 2014 yili buzib tashlangan.

«Mulklarimni uch marta kadastrdan o‘tkazgan edim. «O‘g‘lingni vahobiy deb qamatib yuboramiz», deb qo‘rqitishdi. Bir kunda ertalab soat 11.00 da uchastkani hokimlik tasarrufiga o‘tkazish haqida sud qarorini chiqarishdi. Hali bu qaror kuchga kirmay turib, ertasigayoq buzib tashlashdi. U yerda gulzorim, issiqxonalarim bor edi, farzandlarim, uchta oila shundan kun ko‘rayotgan edik», deydi Hotamov «Eltuz» muxbiriga bergan intervyusida.

U egalik huquqining nohaq buzilgani yuzasidan Prezident devoniga ham arz qilgan, biroq u yerda avval quyi sud mahkamasiga shikoyat qilishi lozimligini uqtirilgan.

«Sudga borsam, buning uchun boj ham to‘lashim kerakligini aytishdi. Ham uyimni buzisharkan, ham buning uchun pul ham to‘larkanman… Ha, endi foydasi yo‘q-da! Ular podsho-da endi, endi jallod ular, bilmayman endi nima qilishni», deya hasrat qiladi tayloqlik Norqul Hotamov.

Eltuz.com

Tag‘in o‘qing
28 mart 2017
20 mart kuni e'lon qilingan eng baxtli mamlakatlar reytingida O‘zbekistonliklar barcha sobiq Sovet davlatlarini ortda qoldirdi. Gallup tadqiqot markazi ...
2 avgust 2021
Separatizm deya talqin qilingan virtual chiqishlari va o‘zbek lotin yozuvi joriy qilinishi bo‘yicha mavjud qonunlarga qarshiligi ortidan nazoratga olingan ...
23 sentyabr 2019
O‘zbekiston «Erk» demokratik partiyasi a'zosi, shoir va jurnalist Mahmud Rajab adolat istab 22 sentyabr kuni Xorazmdan Toshkentga qarab yo‘lga ...
30 sentyabr 2019
Shanba kuni Berlin markazida aylanib yurib, tasodifan bir nikoh to‘yining guvohi bo‘ldim. To‘y korteji kajavali bittagina velosipeddan iborat edi. ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...