Asosiy mavzular
28 noyabr 2019

«Erk» partiyasi lideri Muhammad Solih kutilayotgan saylovni tanqid qildi

Turkiyada yashayotgan O‘zbekiston «Erk» demokratik partiyasi lideri Muhammad Solih 27 noyabr kuni «Nastoyashee vremya-Aziya» TV dasturi uchun bergan intervyusida kutilayotgan saylovni tanqid qildi.

Muhammad Solih: So‘z erkinligi jabhasida ham ahvol jiddiy o‘zgarmadi. Bu sohadagi soxta liberalizm bir-ikki blogerning korruptsiya va mansabdorlarning zo‘rovonligini tanqid qilishi bilan darrov chatnay boshladi. O‘zbekistondagi iqtidor Karimov rejimi yuziga surilgan atir-upadan boshqa hech qanday siyosiy islohotga qo‘l urmadi. Yuksak minbarlardan yangrayotgan nutqlar qip-qizil populizmdir.

Saylov komissiyasi tarafidan ro‘yxatga olingan mana shu beshta partiyaga qarang: ularning hammasi qo‘g‘irchoq partiyalar! Beshtasini ham O‘zbekistonning sobiq hukmdori Islom Karimov shaxsan o‘zi tuzgan. Ulardan hech biri o‘zbek xalqining manfaatlarini tamsil etmaydi. Ularning asos vazifasi o‘lkada «ko‘ppartiyaviylik» taassurotini yaratish, ko‘ppartiyaviylikni imitatsiya qilishdir.

Bu partiyalar o‘zlarini hukumatga muxolif sanaydilar, ammo ular 25 yil davomida hukumatni maqtash va diktator Karimov jinoyatlarini ma'qullash bilan mashg‘ul bo‘lishdi. Chunki Karimov ularni dunyoga keltirdi, Karimov «sayladi». ULAR SAYLOVGAChA SAYLANDILAR.

Ular bugun ham xalq tarafidan emas, prezident tarafidan «saylanmoqdalar».

O‘zbekistonda o‘zga fikrlilarni ta'qib etish davom etmoqda. Yaqinda rejim tanqidchisi jurnalist Davlat Nazarni «shubhali» bir yuk mashinasi «shubhali shaklda» urib ketdi va jurnalist o‘ldi. Boshqa bir muxolif fikrli faol Shabnam Olloshukurova Urganchda norozilik yurishni dastaklagani uchun jinnixonaga tashlandi.

Jamoatchilikning muttasil talablariga qaramasdan, Karimov rejimi tarafidan soxta ayblar bilan ayblanib qamoqqa tashlangan siyosiy mahbuslar Akrom Malik va Rustam Abdurahmonov hali ham ozod qilingani yo‘q.

Yaqinda o‘tadigan bu soxta «saylov»ni kuzatishga keladigan Yevropa xavfsizlik va hamkorlik tashkiloti missiyasi bu tashrifi bilan O‘zbekistondagi antidemokratizm va postkarimov rejimining siyosiy repressiyalarini mashrulashtirishdan boshqa narsaga xizmat qilmaydi.

Savol: Muxolifatning bu saylovni tan olishi uchun nima yuz berishi kerak?

Muhammad Solih: Bugungi iqtidorning qo‘lidan kelmaydigan shu ishlar amalga oshishi kerak: keyingi 30 yil ichida Karimov rejimi tarafidan nohaq ayblanib, jazolangan muxolifat arboblari oqlanishi lozim. Surgundagi muxolifat liderlari o‘lkaga qaytib kelishi uchun ularga yo‘l ochilishi kerak. Muxolifatning saylovda qatnashishi haqida rasmiy bayonot berilib, muxolif nomzodlar rasman ro‘yxatga olinishi kerak. Bu eng zarur va birinchi shartlardir. Ammo bu shartlarni bajaradigan bir hukumat yo‘q bugun O‘zbekistonda.

Tag‘in o‘qing
12 iyul 2017
Ijtimoiy tarmoqda Shavkat Mirziyoevning «Yoshlar» telekanalini tanqid qilib «Yoshlarning hidi ham yo‘q u yerda!» degan gaplaridan keyingi yoshlarning chiqishlari ...
6 may 2022
Bugungi va'zni tez aytish bilan  boshlasam. «Oq choynakka oq qopqoq¸ ko‘k choynakka ko‘k qopqoq»… Matchon Suqilish: Tez aytish o‘rniga maymunlar ...
5 avgust 2018
«Guruhimizning jipsligi va qat'iyati avvalida oyoq tirab turib olgan sud raisini qarindosh-urug‘larimizning qolganlarini ham sud zaliga kiritishga majbur qiladi, ...
16 noyabr 2021
Prezident saylovida g‘olib chiqqan Shavkat Mirziyoev 27 oktyabr kuni o‘tkazilgan yig‘ilishda paxta-to‘qimachilik klasterlariga yanada ko‘proq imtiyozli kreditlar, davlat grantlari, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...