Asosiy mavzular
8 mart 2020

Rustam Inoyatov yana bir lavozimidan ayrildi

Milliy xavfsizlik xizmati (hozirgi Davlat xavfsizlik xizmati)ning sobiq raisi Rustam Inoyatov O‘zbekiston tennis federatsiyasi rahbari lavozimidan iste'foga chiqdi. Bu haqda Podrobno.uz sayti xabar bermoqda.

Mazkur iste'fo haqida federatsiyaning 5 mart kuni bo‘lib o‘tgan favqulodda hisobot-saylov konferentsiyasi jarayonida ma'lum bo‘ldi. 

Anjumanda federatsiyaning yangi prezidenti lavozimiga Tashqi iqtisodiy aloqalar milliy banki boshqaruvi raisi Alisher Mirsoatov nomzodi ko‘rsatildi. 

Konferentsiya ishtirokchilari ushbu nomzodni bir ovozdan ma'qulladilar hamda Alisher Mirsoatov O‘zbekiston Tennis federatsiyasining rahbari deb e'lon qilindi. 

«Men yangi rahbaringizdagi boy tajriba bilan tennisda yuksak natijalarga erishishingizga ishonaman. Shu bilan birga, federatsiyani uzoq yillar davomida boshqarib kelgan Rustam Inoyatovga ham alohida minnatdorlik bildirmoqchiman. 

Uning rahbarligi ostida Tennis federatsiyasida ish professional tarzda yo‘lga qo‘yildi. Ijozatingiz bilan Rustam Rasulevichni federatsiyaning faxriy prezidenti etib saylash taklifini kiritaman», dedi Milliy Olimpiya qo‘mitasi prezidenti Rustam Shoabdurahmonov. 

Konferentsiya ishtirokchilari ushbu taklifni ma'qullashdi va Rustam Inoyatov O‘zbekiston Tennis federatsiyasining faxriy prezidenti bo‘ldi. 

«Tennis mening sevimli sport turlarimdan biri. E'tirof etish kerak, sobiq rahbar bu sohada professional ish olib bordi va men ham yanada ko‘proq ishlashim kerak. 

Biz jamoa bilan birga tennisni rivojlantirishga astoydil harakat qilamiz va yangi maqsadlarni amalga oshirishga va'da beraman. Har doim O‘zbekiston bayrog‘i xalqaro maydonda baland ko‘tarilganda men bag‘oyat g‘ururlanaman. 

Bundan buyon mana shunday g‘alabalarimiz tennis bilan yanada ko‘payishiga harakat qilamiz», dedi Alisher Mirsoatov.

46 yoshli Alisher Mirsoatov 2017 yil 30 noyabrdan beri Tashqi iqtisodiy aloqalar milliy banki boshqaruvi raisi lavozimida ishlab kelmoqda.

Sobiq rahbar Rustam Inoyatov esa O‘zbekiston tennis federatsiyasini 1999 yildan shu kungacha boshqargan.

1976-81 yillarda KGBning Afg‘onistondagi diplomatik agenti bo‘lgan Rustam Inoyatov 1995 yildan to 2018 yilgacha O‘zbekiston Milliy havfsizlik xizmatini (MXX) boshqargan.

2018 yilning boshida MXX idorasining nomi DXXga o‘zgartirilishi ortidan prezident Mirziyoev Rustam Inoyatovni lavozimidan bo‘shatgan, biroq uni o‘ziga maslahatchi etib tayinlagan edi.

Eltuz.com

Tag‘in o‘qing
23 avgust 2021
Qoraqalpog‘iston Respublikasining To‘rtko‘l tumanidagi “Sho‘raxon” ovul fuqarolar yig‘inida istiqomat qiluvchi 69 yoshli Sulton Rahimov mashinasiz qoldi.  U 2019 yil 6 noyabrda “Cobalt” mashinasi xaridi ...
26 sentyabr 2015
Nafaqat ko‘rganlar, bizga o‘xshab ko‘ra olmaganlar ham eshitib og‘zimiz ochilib qoldi. O‘sha ko‘rsatuvda bir guruh o‘zbek bolalari .., ha-ya ...
24 aprel 2017
So‘nggi ikki hafta davomida o‘zbek televideniesining bosh xabar dasturlari «Davr» va «Axborot»da sezilarli o‘zgarishni kuzatish mumkin. Teleko‘rsatuvlarda garchi, yangi ...
6 iyun 2016
O‘tgan oy O‘zbekiston telekanallari «ish»ni 9 may- Xotira va qadrlash kuni munosabati bilan yurtboshining urush faxriylariga ko‘rsatgan «ulkan ehtiromi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...