Asosiy mavzular
9 sentyabr 2020

Tuman hokimi murojaatchi muallimani “jinni”ga chiqardi

Andijon viloyatining Izboskan tumani hokimi Serobiddin Ismoilov tuman selektorida uy so‘rab joniga tekkan bir muallima ayolni jinni deb haqorat qilgan va maktab direktoriga ayolni ishdan olishni buyurgan. Bu haqda yig‘ilishda bo‘lgan ishtirokchilardan biri ma'lum qilgan.

Selektor yig‘ilishida ishtirok etgan o‘qituvchining “Eltuz”ga aytishicha, muallima arzon uy-joylar masalasida yordam so‘rab hokimlikka 4 yildan buyon murojaat qilib keladi.

“Hokimimiz juda “nervinniy” (asabiy). U kurashuvchan, hadeb kelaveradigan shikoyatchilarni yomon ko‘radi. Asablari qo‘zib ketadi. Ayniqsa, uy so‘rab murojaat qilganlar unga to‘ng‘izday ko‘rinadi”, deydi manba.

Bu Izboskan hokimi bilan bog‘liq birinchi holat emas. O‘tgan yili Paytug‘ shahridan bo‘lgan bir nogiron ayol ham hokimlikka uy so‘rab murojaat qilgan.

Murojaatlari besamar ketgan ayol tumanga jurnalistlarni chaqirib kelgan. O‘shanda Serobiddin Ismoilov bu ayolga bahorda uy qurib berishni va'da qilgan.

Va'da bajarilmagach, qayta-qayta boravergan ayolni Ismoilov uyatsiz gaplar bilan haqorat qilib haydagan. Hozir nogiron ayol buzilib ketay deb turgan xarobada ijarada yashamoqda.

“Bu o‘qituvchi esa ayol 30 yildan buyon maktabda dars beradi. Ruhiy xasta bo‘lsa, muallimlik qilarmidi? Haqoratga chidolmay yig‘lab yuribdi, qo‘shimchasiga ishdan haydalishdan qo‘rqyapti”, deydi yig‘ilishda ishtirok etgan o‘qituvchi.

Mustaqillik bayrami arafasida Izboskan tumani hokimi Serobiddin Ismoilov “Shuhrat” medali bilan taqdirlandi.

So‘kong‘ich, tumanidan murojaat va muammolar arimaydigan Ismoilov qaysi “fidokorona” mehnatlari uchun bu medalga loyiq ko‘rilgani izboskanliklarni ajablantiryapti.

Eltuz.com

Tag‘in o‘qing
15 yanvar 2017
O‘zbekiston Milliy Xavfsizlik Xizmatini 1995 yilning 26 iyunidan beri boshqargan Rustam Rasulovich Inoyatov, mamlakatdagi yuzaga kelgan vaziyatdan kelib chiqqan ...
8 dekabr 2016
Ayni paytda Bosh vazir o‘rinbosari Rustam Azimovning 22-noyabrdagi “Plastik karta orqali hisob-kitob qilishda naqd pulga nisbatan 20-25 foizga qimmat ...
3 oktyabr 2016
O‘zbekiston telekanallari sentyabr oyini yig‘i-sig‘i bilan boshlab, bayramona kayfiyatda tugatdi. Prezident Islom Karimovning vafoti munosabati bilan sovet davriga xos ...
10 mart 2022
Berlinda joylashgan O‘zbekiston Inson huquqlari forumi tashkiloti 2021-yilda markaziy davlat tomonidan o‘rnatilgan Majburiy Mehnat topilmaganidan so‘ng, «Cotton campaign” koalitsiyasi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...