Asosiy mavzular
17 oktyabr 2020

Gazchi qarzdorligi so‘ndirilmagan uy egasi tomonidan o‘ldirildi

Sirdaryo viloyatining Sirdaryo tumanidagi “Do‘stlik” MFYda yashovchi 29 yoshli Farruh Karimjonov uyiga qarzdorlikni so‘ndirishni so‘rab kelgan tuman gaz idorasi xodimi 50 yoshli Qahramon Shomurodovni pichoqladi. 

Ayblanuvchining IIB vakillariga bildirishicha, 9 oktyabr kuni 18:00 atrofida tuman gaz korxonasi xodimi uning uyiga keladi. Gazdan qarzi borligini, uni so‘ndirishi zarurligini aytadi. 

O‘rtada kelishmovchilik paydo bo‘ladi. Ikki tomon yarim soatdan oshiqroq davomida tortishadi. Yonida pichog‘i bo‘lgan Farruh Karimjonov sovuq qurol bilan gaz korxonasi xodimini dastlab qo‘rqitmoqchi bo‘ladi. 

Biroq shashtidan qaytmagan Qahramon Shomurodovga ketma-ket pichoq sanchadi. Yuz, yelka va qorin qismidan og‘ir jarohat olgan gazchi voqea joyida vafot etadi.

“Eltuz” muxbiri marhumning yaqinlari bilan bog‘landi. Ayblanuvchi bilan bog‘lanish imkoni bo‘lmadi.

Marhumning rafiqasi ular asli Navoiy viloyati Nurota tumanidan bo‘lib, Sirdaryoga ko‘chib kelganidan buyon eri tuman gaz idorasida ishlayotganini ma'lum qildi. Shu vaqtgacha erida ish yuzasidan pichoqlanish holati kuzatilmagan. 

Marhumning raqifasi eri bir-ikki bor qarzdorligi bo‘lgan fuqarolar tomonidan kaltaklanganini aytdi. U to‘rt farzandi borligini, erining vafotidan so‘ng oilasida moddiy, ma'naviy qiyinchilik bo‘lishini ma'lum qildi. 

Sirdaryo tumani IIBga yaqin mulozimning bildirishicha, voqea yuzasidan tuman prokuraturasi tomonidan tergovga qadar tekshiruv harakatlari olib borilmoqda. Sud-ekspertiza ishlari bo‘yicha dastlabki xulosa olingan. 

To‘plangan ma'lumotlar asosida gumonlanuvchi Farruh Karimjonovga Jinoyat kodeksining 97-moddasi, ya'ni qasddan odam o‘ldirish aybi qo‘yilgan. 

Eltuz.com

Tag‘in o‘qing
17 mart 2017
«O‘zbekiston “Milliy tiklanish” demokratik partiyasi tashabbusi bilan Buxorodagi markaziy ko‘chaga Islom Karimov nomi berildi”, deya tantanavor e'lon qildi “Milliy ...
7 fevral 2020
Xitoy hukumati 5‏ fevralgacha Shinjon-Uyg‘ur muxtor tumanida «Uxan virusi»ga chalinganlar soni 32 kishiga yetganini e'lon qildi. Muxtor tuman Sog‘liqni ...
21 mart 2016
Xususan, gazetada e'lon qilingan “Axborot quroli qachon va nima maqsadda qo‘llaniladi?” sarlavhali maqolada “endilikda jamiki ziddiyatlar axborot quroli yordamida ...
25 may 2017
20 may kuni O‘zbekiston telekanalining Tahlilnoma dasturida sovet davri afsonasiga aylantirilgan ayol – Tursunoy Ohunova hayotiga bag‘ishlangan lavhani nimoyish ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...