Asosiy mavzular
30 noyabr 2020

Qora tanlilarni “qul qilganlik”da ayblangan qo‘shiqchining “haqiqatlari”

Nigeriyadan ikki qora tanlini olib kelib, uyi oldidagi konteynerga qamab qul qilganlik ayblovlari bilan yuzma-yuz qolgan 26 yoshli qo‘shiqchi, Siroj Boom taxallusi tanilgan Siroj Uzanov   “Eltuz”ga bergan suhbatida ularga faqat yaxshilik qilganini aytdi.

– Men o‘zbek san'atiga mehri balandligi uchun ularni hamkorlikka chaqirganman, – deydi Siroj Boom. – Menga pul bermaydi, ishlatadi, deb nolib internetlarga chiqish qildi. Men ularning ijod qilishi uchun imkoniyat yaratib berdim. Ko‘p kishi bilan tanishtirdim. Bu yerda yaxshi obro‘ topdi. Mening ko‘magim bilan ozmi-ko‘pmi tanildi. Ular esa meni vahshiyga chiqarib qo‘ydi.

Siroj Boom o‘z haqiqatlari borligini, tarqatilgan ma'lumotlarning ko‘pi “yolg‘on” ekanini ta'kidladi. U odamlar haqiqatni bilmay turib uni hatto haqorat qilishayotganini aytar ekan, aybi bo‘lsa, qonun oldida javob berishga tayyorligini bildirdi. 

“Eltuz”ga ma'lum bo‘lishicha, o‘zlariga Shoh va Munisa taxalluslarini olgan, Siroj Boom sha'niga ayblovlar bilan chiqayotgan nigeriyalik aka-singil hozir Dubayda. 

Bu yerga dadamni ko‘rgani keldik. Shaxsimizni tasdiqlovchi hujjatlarimiz hozir o‘zimizda. Toshkentga qaytgandan so‘ng, albatta, Eltuz muxbiriga voqealarni batafsil aytib beramiz, – dedi Shoh. – Siroj o‘zini oqlash uchun bahona izlab yuribdi. 

Biz unga dushman emasmiz. Faqat uni insofga chaqirmoqchimiz. Musulmonga yarashadigan ishlarni qilmayapti. Biz Toshkentga qaytamiz. Ijodiy faoliyatimizni davom ettirmoqchimiz. O‘zbek san'atiga mehrimiz bo‘lakcha, o‘zbek xalqiga ham. Faqat bizga insofli hamkor kerak.

Eltuz”ga taqdim etilgan, o‘zbek xonandasi ayblangan videoda nigeriyalik aka-singil xonanda Siroj Boomning hovlisida yashagani, xonadon egalari ularning shaxsini tasdiqlovchi hujjatlarini olib qo‘ygani aytiladi. (Siroj Boom “Eltuz”ga ular o‘z ixtiyori bilan hujjatlarini topshirganini bildirgandi). 

Shuningdek, videoda aka-singil haqorat qilingani, aldangani va majburlab ishlatilgani, ularga kiyim olib bermagani, hatto kir yuvish, yuvinish uchun sharoit yaratmagani, qo‘shiqchining onasi ularni tahqirlagani, o‘zi shaxsiyatga teguvchi gaplar aytgani qayd etilgan. 

Aka-singil Dubaydan Toshkentga qaytgandan so‘ng “Eltuz” mavzuga yana qaytadi.

eltuz.com

Tag‘in o‘qing
15 mart 2022
O‘zbek suhandoni orqa planidagi suratda rossiyalik mard ayol Marina Ovsyannikova. Rassom Tuz
31 mart 2024
Eltuz portaliga kelgan navbatdagi 5 ta maktubni o‘qib eshittiramiz, ular O‘zbekistonning Sirdaryo, Xorazm, Surxondaryo va Qoraqalpog‘istonning To‘rtko‘l viloyatlaridan kelgan. Xatlar oqimi ayni soatlarda ham davom etmoqda, tizimni unumli ta'minlash uchun kanalimizga obuna bo‘lish, layk ...
4 yanvar 2017
Britaniyaning Times gazetasi, Istambuldagi qonli voqealarni tahlil qilarkan, jihodchilar safidagi markaziy osiyoliklarga e'tibor qaratdi. Turk nashrlari, jumladan hujumchining Markaziy Osiyo ...
20 avgust 2018
Toshkentga kelgan Tojikiston prezidenti Imomali Rahmonni 17 avgust kuni aeroportda prezident Mirziyoev quchoq ochib qarshiladi. Imomali Rahmon xuddi Brejnev ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...