Asosiy mavzular
15 oktyabr 2021

Yulduz Usmonova sudga kelmadi

13 oktyabrda Toshkent shahri Mirzo Ulug‘bek tumani fuqarolik ishlari sudida shoir Yo‘lchi Ro‘zievning da'vo arizasiga binoan ochiq sudda O‘zbekiston xalq artisti Yulduz Usmonova ishi ko‘rib chiqilishi kerak  edi. Shu kuni javobgar tomoni kelmagani uchun sud 22 oktyabrga qoldirildi. 

Shoir Yo‘lchi Ro‘ziev suddan ikki she'rini qo‘shiq qilib kuylagan Yulduz Usmonovadan qalam haqini undirib berishni so‘ragan. 

“Xasta bo‘lma” she'rim 2016 yil aprelda yozilgan, – deydi shoir Yo‘lchi Ro‘ziev. – Qo‘shiqchining ma'muri bilan bir davrada bo‘lib qoldik va unga o‘ntacha she'rimni Yulduz Usmonovaga yetkazishi uchun topshirdim. 

Shu she'rim 2018 yil yanvar oyida Yulduz Usmonova tomonidan qo‘shiq qilingan. Shunda ham ma'murlar kontsertdan so‘ng qalam haqi beriladi, Yulduz Usmonovaning o‘zi aytdi, degandi. 

Ammo va'da va'daligicha qolib ketdi. Qo‘shiq ommalashib ketgandan so‘ng men ham orqaga chekinmadim. Xonanda gaplashib olishga chaqirdi. So‘ng orada turli sabablarga ko‘ra ma'murlari o‘zgarganini, qo‘shiq unga ko‘p daromad keltirganini aytdi. 

Meni rozi qilishini aytdi. Qalam haqi evaziga kitobimni chop etish taklifini berdi. Men rozi bo‘ldim. Hisob ishlarini turmush o‘rtog‘i va prodyuseri Mansur Agaliev amalga oshiradi, dedi. Ammo bu va'da ham bajarilmadi. 

Bu orada “Sevgi izhori” she'rimni ham qo‘shiq qildi. Ikkalasiga ham haq to‘lamadi. Vakillari bilan Intellektual mulk agentligi aralashuvi bilan ham ish bir tomonga yechilmadi”.

“Eltuz” muxbiri san'atkorning ma'murlaridan biri bilan bog‘landi. Ma'mur muxbirga xonanda aynan sud kunidan xabari yo‘qligi, ammo Yo‘lchi Ro‘zievning ijtimoiy tarmoqlardagi noroziliklariga duch kelganini aytgan.

Mirzo Ulug‘bek sudi mulozimining “Eltuz”ga aytishicha, “ Yo‘lchi Ro‘ziev arizasiga muvofiq ish o‘rganildi va tomonlarga sud kuni haqida xabar berilgan. Yo‘lchi Ro‘ziev sud bilan doim aloqada bo‘lib turibdi. Javobgar Yulduz Usmonovaga esa telefonogramma orqali sud kuni, joyi haqida ma'lumot berilgan.

Eltuz.com

Tag‘in o‘qing
20 noyabr 2015
Paxta kampaniyasini yuritayotgan koalitsiya bugun Jahon bankiga maktub yuborib O‘zbekistonda majburiy mehnat to‘xtamayotgani borasida o‘z havotirini bildirdi. Hususan Jahon ...
7 iyul 2019
Xayrullo Fayz 1970 yilda Ho‘jandda tug‘ilgan. ToshDUning jurnalistika fakultetini bitkazgan. Bi Bi Si radiosining o‘zbek xizmatida ishlaydi. Ochilgan ko‘zdan ...
25 iyun 2020
O‘zbekiston inson huquqlari forumi (Uzbek Forum) tashkiloti e'lon qilgan yangi hisobotda majburiy mehnatni bartaraf etishda erishilgan sezilarli olg‘a siljish ...
11 oktyabr 2015
Eltuz ilgari xabar qilganidek Jizzax viloyati G‘allaorol tumani bosh shifokori Yusuf Esirgatov Do‘stlik tuman militsiya bo‘limidagi hibsxonada ikki kun ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...