Asosiy mavzular
22 dekabr 2021

Farg‘onada tug‘ruqxona to‘lg‘oq tutgan ayolni qabul qilmadi

Dekabr oyi o‘rtalarida internetda Farg‘ona viloyati tug‘ruqxonasiga kelgan tug‘roq holatidagi ayol propiskasi boshqa joyda bo‘lgani sababli shifokorlar tomonidan qabul qilinmagani iddao qilingan video tarqaldi.

Unda ko‘rinishicha, to‘lg‘oq azobidan qiynalayotgan ayol og‘riqqa chidolmay, yaqinlari bilan birgalikda tug‘ruqxona yo‘lagida shifokorlar bilan tortishmoqda.

Ma'lum bo‘lishicha, tug‘ish payti yaqin qolgan homilador ayol oilasi bilan tug‘ruqxonaga keladi va bosh shifokor ularni qabul qilmasdan, yashash joyiga ko‘ra belgilangan shifoxonaga borishini aytadi. Ayolning to‘lg‘og‘i kelgani uning dardli ovozidan bilinadi.

Shifokor homilador ayolning chorasiz eri jarayonni videotasvirga olayotganini ko‘rib, oldidagi xodimlariga buyuradi: “Xotinlarning oldiga kirmasin u. Oling qo‘lidan, nenormalnыy, sumasshedshiy. Telefonidan (videoni) o‘chirmagunicha chiqarmang”.  

Shifokor bemorni qabul qilish o‘rniga ularni haydab solish maqsadida “ichki ishlar xodimlarini chaqiringlar”, deya bir necha marotaba takrorlaganini eshitish mumkin. U tug‘ruq holatidagi ayolga yordam ko‘rsatish o‘rniga unga chiqish eshigini ko‘rsatib sudraydi.

To‘lg‘oq og‘rig‘idan azoblanayotgan ayolini shifokor sudrayotganini ko‘rgan turmush o‘rtog‘i unga qarshilik ko‘rsatgach, uni vrach “haromi, tegma, erim buni bilsa, seni nima qilishini bilasanmi”, deya haqorat qiladi.

Homilador ayolning qarindoshlariga ko‘ra, shanba kuni kechqurun kelinining to‘lg‘og‘i boshlangan. Oila a'zolari tez tibbiy yordam chaqirgan va u viloyat tug‘ruqxonasiga olib borilgan.

Vrachlar ayolni tekshiruvdan o‘tkazib, hali tug‘ishga tayyormasligini aytib, ularga qarashli bo‘lmagan boshqa hududdan kelgani sababli qabul qilmaydi. Ayolning ahvoli og‘irligi sababli yaqinlari tez tibbiy yordamda boshqa shifoxonaga olib borish uchun yordam so‘raydi. Ammo buni ham rad etishadi.

Shifokorlar ularga qo‘pol muomala qiladi va bu tug‘ruqxonada yotish uchun ayrim to‘lovlar borligi, undan ko‘ra o‘z hududiga borishsa, hammasi bepul bo‘lishini aytishadi. Ammo homilador ayol qattiq og‘riqdan qiynalayotgan edi. Shu sababli unga yordam berishlari kerak edi.

Navbatchi vrach ularni bosh vrachning oldiga yuboradi. Videoda bosh vrach ulardan pul to‘lashini talab qilib, haqoratlaydi. Shunda ular bosh vrachdan tug‘ish holatidagi ayolni shifoxonaga qabul qilmayotganining sababini yozma ravishda tushuntirishni talab qilishadi.

Ammo u buni rad qilgach, ayolning chorasiz qolgan yaqinlari jarayonni tasvirga ola boshlagach, bosh shifokor jazavaga tushib, baqirishni boshlaydi, haqorat qiladi. Bemorni olib chiqib ketishlarini aytadi.

Ularning tasvirga olayotganini ko‘rib, qarshilik qilishga urinadi. Ammo to‘xtata olmagach, bemorni shu tug‘ruqxonada tug‘dirishga qaror qiladi. Biroq qarindoshlar unga endi ishonmaydi, qasddan yomonlik qilishidan xavfsirab, tez tibbiy yordam mashinasida (ba'zi ma'lumotlarga ko‘ra, o‘zlarining shaxsiy mashinasida) zudlik bilan Farg‘ona tumani tug‘ruqxonasiga olib borishgach, ayolning ko‘zi yoriydi.

Bemorning qarindoshi Farg‘ona viloyati tug‘ruqxonasida ularga qo‘pol muomala qilib, tegishli tibbiy yordam ko‘rsatmagan shifokorlarga qonuniy chora ko‘rilishini so‘rab murojaat etgan. 

Eltuz.com

Tag‘in o‘qing
19 iyun 2019
Jizzax viloyati ichki ishlar boshqarmasi 2019 yilning 3 iyunida huquq faoli Malohat Eshonqulovaga qarshi Jinoyat kodeksining ikki moddasi – ...
6 noyabr 2020
Hyu Uilyamson, “Hyuman rayts uotch”ning Yevropa va Markaziy Osiyo davlatlari bo‘yicha direktori Tasavvur qiling, bir erkak necha yillardan buyon ...
21 oktyabr 2020
Qashqadaryo viloyati G‘uzor tumanidagi “Enter Engineering Pte.Ltd” zavodi ishchilari 21 oktyabr tongida g‘alayon ko‘tarib, zavod ma'muriy binosini ostin-ustun qilishdi. ...
31 oktyabr 2015
Shuhrat Bobojon Eltuz.com Shoh Bobur o‘z ona vatani haqida yozar ekan “Oshlig‘i vofir, mevasi farovon, qovun va uzumi yaxshi ...
Bloglar
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...
25 oktyabr 2022
Ulug‘ o‘zbek shoiri va muholifat lideri Muhammad Solih bilan suhbatning 10-qismida muxbir undan o‘z ota-bobolari ...