Kundalik
1 fevral 2016

BJ’s Wholesale Club savdo kompaniyasi o‘zbek paxtasidan voz kechadi

2016 yil 27 yanvar kuni BJ’s Wholesale Club chakana savdo kompaniyasi Paxta majburiyati (Cotton Pledge)ga imzo chekkan 200 dan ortiq brend va kompaniya safiga qo‘shildi. Bu bilan u O‘zbekiston hukumati o‘zining paxta sektorida majburiy mehnatdan foydalanishga chek qo‘ymaganiga qadar o‘zbek paxtasidan mahsulotlar ishlab chiqarmaslikni o‘z zimmasiga oldi.

“Sifatli kiyim-kechak va uy uchun tovarlar ishlab chiqaruvchi chakana savdo kompaniyasi o‘laroq, O‘zbekiston yoki boshqa har qanday davlatda majburiy mehnatning har qanday ko‘rinishiga yo‘l qo‘ymaslik haqida gapirishda davom etishimiz shart”, dedi sifat va atrof muhit muhofazasini ta'minlash bo‘yicha vitse-prezident yordamchisi Skott Uilyams kompaniya tomonidan tarqatilgan press-relizda.

Paxta ishlab chiqarishdagi majburiy mehnat ko‘plab mamlakatlarda haligacha keng tarqalganiga qaramay, hech birida O‘zbekistondagichalik ulkan tashkiliy ko‘lamga ega emas. O‘zbekiston hukumati har yili bir milliondan ortiq fuqaroni mamlakat paxta dalalarida ishlashga majburlaydi. Har kuzda hukumat universitetlar va davlat muassasalarini bir necha oyga yopib qo‘yadi va talabalar, o‘qituvchilar va davlat xizmatchilarini paxta dalalariga jo‘natadi. Kiyim-kechak va uy uchun tovarlar ishlab chiqaruvchi kompaniyalarning qo‘llab-quvvatlashi va hamkorlikdagi sa'y-harakatlari muvaffaqiyat keltirdi. O‘zbekiston hukumati voyaga yetmagan bolalarni paxtaga yoppasiga jalb qilishni to‘xtatdi. Ammo majburiy mehnatning barcha ko‘rinishlariga chek qo‘yish uchun paxtachilik tizimi isloh qilinishini shart.

“Paxta majburiyatini imzolab, BJ’s kompaniyasi o‘ziga yetakchilik vazifasini oldi. Global ta'minot zanjirida majburiy mehnatdan foydalanish orqali ishlab chiqarilgan materiallardan voz keyish qiyin masala. Lekin BJ’s kabi kompaniyalarning bu harakatga qo‘shilishi va butun tarmoqda o‘zgarishlar yasash yo‘lidagi kuchlarni birlashtirishi orqali buning imkoni bor. Bu hujjatni imzolagan har bir kompaniya dunyomizni zamonaviy qullikka barham berishga bir qadam yaqinlashtiradi”, dedi O‘zbekistondagi majburiy mehnatga qarshi Paxta majburiyati tashabbuskori bo‘lgan Responsible Sourcing Network nohukumat tashkiloti direktori Patricia Jurewicz.

O‘zbek paxtasidan foydalanmaslikka doir Paxta majburiyatini imzolagan tashkilotlar ro‘yxatini quyida ko‘rish mumkin.

Tag‘in o‘qing
14 sentyabr 2018
“O‘zbekiston 24” kanalining kiyinish madaniyati “tanqid qilingan” 12 sentyabr kungi “Xalqaro Press klub” ko‘rsatuvida TV jurnalistlarining o‘zlari etika qoidalarini ...
12 noyabr 2018
Toshkentda 11 noyabr kuni Rauf Parfiga bag‘ishlangan tag‘in qarshilikka uchragan tadbirga kelgan bir guruh ziyolilar davrasida o‘zbek muxolifati lideri, ...
4 avgust 2018
“Aytdim-ku, yuqorining buyrug‘i bilan sizlarga shu ayblarni qo‘yishga majburmiz, deb. “Kim o‘sha yuqoring? Karimovmi?” Mening so‘nggi savolimga tergovchi Ilhom ...
29 sentyabr 2017
29 sentyabr ertalab bedarak yo‘qolgani aytilgan 44 yashar jurnalist Bobomurod Abdulla shahar IIB xodimlari tomonidan qo‘lga olingani, biroq MXX ...
Bloglar
22 oktyabr 2020
Milliy ishlab chiqarishni rivojlantirish degan bahona, niqob yordamida monopollarimiz qonimizni so‘rib yotibdi. Tashqaridan iste'mol tavar-buyumlar ...
20 oktyabr 2020
Bundan o‘n yil ilgari poytaxdagi o‘rtacha ikkita amaldor tushlikka bir millionga yaqin pul sarflashini eshitib ...
15 oktyabr 2020
O‘nta roman yozay, ellikta she'riy to‘plamim nashr etilsin, yozganlarim dunyoning barcha yirik tillariga tarjima qilinsin, ...