Kundalik
20 sentyabr 2015

Urlaeva qamoqqa olindi!

“Hokimiyat tomonidan yerim noqonuniy tortib olib qo‘yildi” degan shikoyat bilan o‘tgan yili Toshkent viloyatining Quyi Chirchiq tumanida istiqomat qiluvchi Qamchibekov Sherzod ismli fermer “Alyans” inson huquqlarini himoya qilish tashkiloti yetakchisi Yelena Urlaevadan ko‘mak so‘rab kelgan edi.

To shu kunga qadar Yelena Mixaylovna fermer Sh. Qamchibekovning paymol bo‘lgan huquqlarini himoya qilib keldi. Qonunni nazorat qiluvchi yuqori idoralarga, jumladan, Respublika prokuraturasiga shikoyat arizalar kiritdi.

Bugun, 2015 yilning 19 sentyabr, shanba – dam olish kuni Sherzod Qamchibekov “Bizda daryo bor, baliq tutamiz” deya Urlaevani oilasi bilan “baliq ovi”ga taklif etadi.
Tabiatan ko‘ngli ochiq bo‘lgan ayol hech bir narsadan hadik qilmay, turmush o‘rtog‘i Mansur Masharivof bilan birgalikda Quyi Chirchiqqa daryo bo‘yiga chiqadi.

Urlaevaning telefon orqali tezkor va qisqa xabariga tayanadigan bo‘lsak, kech, taxminan soat 18.30 larda “qandaydir yo‘qolgan baliq tutuvchi qarmoqni o‘g‘irlaganda” ayblangan Yelena Urlaeva, Mansur Masharipof va fermer Sherzod Qamchibekovlar Quyi Chirchiq tuman IIB xodimlari tomonidan xibsga olinadi.

Ayni damda Ye. Urlaeva, M. Masharipov va Sh. Qamchibekovlar Quyi Chirchiq IIBsida, alohida-alohida kameralarda saqlanmoqda.

Qamoqqa olingan shaxslar bilan aloqa uzilgan.

O‘zbekistondagi huquq faollariga “Qamoqqa olish tadbiri uyushtirilgan bo‘lishi mumkin” degan taxminda.

Gumonimizcha, baliq oviga chiqqan Yelena Urlaevaga aslida, kuch ishlatar tizimlar qarmoq tashlashgan ko‘rinadi. Ko‘rinib turibdiki, bu gal kuch ishlatar tizimlarining qarmog‘iga kattaroq “o‘lja” ilingan.

Malohat Eshonqulova,
mustaqil jurnalist

Tag‘in o‘qing
21 noyabr 2018
Respublika viloyatlari bo‘ylab fermerlarning «davlat xirmoniga mo‘l hosil yetkazib berish» qasamyodiga keltirishi ijtimoiy tarmoqda kulgiga sabab bo‘lmoqda. 21 noyabr ...
7 mart 2018
Toshkent shahri sudida 7 mart kuni boshlangan birinchi sud yig‘ilishi Bobomurod Abdullaevga tergovda qo‘llanilgan qiynoq alomatlarini aniqlash va ekspertiza ...
18 mart 2016
Tojikiston Prezidenti Imomali Rahmon yangi tug‘ilgan chaqaloqlarni «tojiklarning milliy madaniyatiga begona» turkiy so‘zlar bilan ism qo‘yishni taqiqlaydigan qonunni imzoladi ...
9 iyun 2020
“Uzauto Motors”ning Asakadagi zavodida avtobuslar garajida navbatchi mexanik bo‘lib ishlagan, ikki o‘g‘ilning otasi, 53 yoshli Ahrorbek Sayfiddinov ko‘richakning zo‘rayishi ...
Bloglar
22 oktyabr 2021
O‘g‘il nevarasini qo‘rqitib, muntazam zo‘rlagan toshkentlik amaki haqida video tarqaldi. Bu amaki «nojo‘ya jinsiy harakat ...
18 oktyabr 2021
(Taniqli shoir va siyosatchi Muhammad Solihning “Imperativ” kitobidan 36-qism. Audiokitob matnini muallifning o‘zi o‘qigan. Davomi ...
14 oktyabr 2021
Dastlab bolsheviklar Yosh buxoroliklar, jadidlarning kommunistik partiyaga qo‘shilgan a'zolaridan iborat Buxoro Xalq Sovet Respublikasini tuzdilar.  ...