Kundalik
21 oktyabr 2015

Internetsiz o‘tgan bir kun

Bir kun internetsiz yashadim. Yashasa bo‘lar ekanu, ammo juda qiyin, judayam qiyin.

Kecha kechki payt ishdan kelib noutbukni yoqsam internetga ulana olmadim, antenna yo‘q edi, texnik nosozlik bo‘lsa kerak.

To‘g‘risini aytish kerak men bechora taqdirning bundan kutilmagan zarbasiga tayyor emasdim. Boshida qayta-qayta urinib ko‘rdim ulanishga, harakatlarim befoyda ketdi, keyin sarosimaga tushib qoldim, xuddi qolgan umrim davomida internetsiz o‘tib ketadigandek. Keyin sekin asta ko‘nika boshladim bu musibatga (har holda irodali insonman).

Negadir yotib uxlasam bu musibatni unutadigandek sezdim o‘zimni. Endi uxlashga yotaman deb turgandim yonimdagilardan bittasi futbol borligini eslatib qo‘ydi.

Necha yillardan buyon televizor ko‘rmay qo‘ygandim, televizor chang bosib ketgandi. Bir o‘tmishni eslagim kelib televizorni qo‘ydim (rosti shu paytgacha televizorim borligini unutib ham qo‘ygan ekanman). Ko‘p yillardan buyon birinchi marta futbolni oxirigacha ko‘rdim, qiziq bo‘lar ekan («nostalgiya» deb qo‘yisharmidi nospurushlar?).

Keyin so‘nggi marotaba imnternetga ulanishga urinib ko‘rdim (futbol ko‘rish davomida ham bu yumushni to‘xtovsiz qaytarib turgandim), bo‘lmadi baribir, uxlashga yotdim.

Ertalab turib birinchi qilgan ishim yana tekshirib ko‘rish bo‘ldi, afsuski iloji bo‘lmadi. Tushlik payti ham bir bor urinib ko‘rdim, bo‘lmadi. Ovqatlanib olgach ishga chiqib ketishdan avval so‘nggi marta harakat qilgandim kutilmaganda ulanib turibdi-yu.

Endi holatimni ko‘ring, na quvonishimni bilmayman, na xafa bo‘lishimni. Internetga ulanganim bilan vaqtim yo‘q, noutbukni qayta o‘chirib ishga chiqib ketdim.

Kechgacha vaqt o‘tishi juda qiyin bo‘ldi. Xayolimda internet, ishqilib yana yo‘q bo‘lib qolmasa bo‘lgani degan hadik ham yo‘q emas.

Ishdan kelgach, tekshirib ko‘rsam hammasi joyida. Mana hozir televizorda yana futbol bo‘lmoqda, menga nima qizig‘i bor futbolni?

Shu joyida Afrikaning qaeridadir internet yetib bormagan joylari borligini o‘ylab tinchligimizga va farovonligimizga shukur qilib qo‘ydim.

Yashasin internet!

Anvar Nabiev,
Eltuz.com

Tag‘in o‘qing
21 may 2017
O‘zbekiston prezidentining tergov jarayoniga oid yangi qarori ijobiy baholanayotgan bo‘lsa-da, mamlakatda kuchli advokatura, fuqarolik jamiyati va mustaqil ommaviy axborot ...
12 mart 2019
Toshkentda 8 mart kuni o‘tgan tadbirda prezident Mirziyoev yigirma sakkiz nafar qizga Zulfiya nomidagi davlat mukofotlarini topshirdi. Hali maktabni ...
4 may 2021
Rassom Kirpi
5 aprel 2016
«O‘zbekenergo» gapni «mamlakat energetika xavfsizligi, eksport majburiyatlari va elektr energiyasiga tobora ortib borayotgan ehtiyojlarni qondirish uchun «O‘zbekenergo» tizimidagi elektr ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...