Asosiy mavzular
24 mart 2016

Og‘zim bor deb…

Xalq (to‘g‘rirog‘i, xalqqa mas'ullar) butun xayoli bayram bilan bo‘lib, g‘am-tashvishini unutdi go‘yo.

“Hurriyat” gazetasi ham shu shodiyonlarga qanot bag‘ishlash niyatida bo‘ldi shekilli, “Dildagi gaplar” rukni ostida o‘z mushtariysining qishloq va tumanlardagi o‘zgarishlardan zavqi toshgan paytda kelgan ilhomi natijalarini e'lon qildi.

Xullas, Navoiy viloyatining Qiziltepa tumanilik mushtariy Buxoroda o‘qigani, tumandosh bir kursdoshining to‘yiga aytuvchilikka tayinlagani, shaharlik do‘stini to‘yga aytganida u shodiyona hovlida o‘tadimi deb so‘ragach, restoranda degan javobni olib, “sizlarda ham restoran bormi”, deb kinoya qilganidan yozg‘iradi.

Tayinki, shaharlik do‘st to‘yga kelgach, bu yerdagi “ulkan o‘zgarishlar”ni ko‘rib, uyalib qolgan.

“Men tuman, qishloq deganda ko‘chalari loy, uyida tezak yoqadigan… odamlar yashaydigan joyni tushunardim”, degan oldin aytgan gaplari uchun izza bo‘lib qolgan bechora shaharlik do‘st.

Albatta, aslida nafaqat qishloqlar, balki katta-katta ayrim shaharlarda ham ahvol bunday og‘iz ko‘pirtirishlar noo‘rin ekanligini ko‘rsatib tursa-da, gazeta tahririyati rasmiylarga yoqadigan yolg‘onni jon-jon deb o‘z sahifasiga joylashtirgan.

“Hurriyat” muxlisining keyingi yozganlari yanada ensani qotiradi. U xorijga borib kelgan tanishi bilan gaplashgani, tanishi o‘sha mamlakatda bolalarning ko‘pchiligi eski maktablarga borishini, hatto chekka joylarida maktab qulab tushay deb turishini aytganini ta'kidlaydi.

Shunday gaplarni aytgan tanishi: “O‘zbekistondek go‘zal, farovon, tinch mamlakatni hech qaerdan topa olmasligimni tushunib yetdim”, deb xulosa qiladi.

Aslida O‘zbekiston matbuotidagi bunday gaplar yangilik emas. Ammo nahotki gazeta tahririyati xalq shunday yolg‘onlarga ishonadi, deb o‘ylaydi? Yoki bu yozuvlar rasmiylarning yolg‘onga bo‘lgan ehtiyojini qondirish uchun chop etiladimi?!

Eltuz.com

Tag‘in o‘qing
5 oktyabr 2020
Andijon davlat tibbiyot instituti klinikasi ishchi-xodimlari shifoxonada koronavirus kasalligi bilan og‘rigan bemorlar yotganidan norozilik bildirishmoqda.  Shifoxonada ishlovchi hamshiralardan birining ...
28 oktyabr 2016
Rassom Elsevar Eltuz.somga jo‘natgan navbatdagi karikaturasida so‘kong‘ichligi va mushtumzo‘rligi elga doston bo‘lgan Qashqadaryo viloyati Nishon tumani hokimi Asror Jo‘raevni ...
21 sentyabr 2018
Alisher Navoiy nomidagi O‘zbekiston milliy kutubxonasi ma'muriyati Rauf Parfining 25 sentyabrga mo‘ljallangan yubileyini to‘xtatish ortidan Cho‘lpon ijodiga bag‘ishlanib Frantsiya ...
21 aprel 2020
Buyuk hofiz Komiljon Otaniyozning “Segoh”iyu “Suvoro”larini tinglab, shuurim doim boshqa taraflarga yo‘naladi… Alloh ruhiga rahmat aylasin, buyuk Hofiz dindor ...
Bloglar
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni ...
11 aprel 2021
«From Me to You» (Mendan senga) — Lennon va Makkartni dueti ijro qilgan zarif bir ...
8 aprel 2021
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz ...