Multimedia
24 dekabr 2015

Yulduz Usmonova O‘zbekiston prezidentini “Podshox” deya atadi

Ulug‘bek Ashur,
Eltuz.com

Rasmiy OAV tomonidan yoritilmagan ushbu taqdimot marosimi O‘zbekiston poytaxtining xashamatli “Navro‘z” restoranida bo‘lib o‘tdi. Marosimga taklif etilgan mexmonlar orasida Toshkentdagi xorijiy diplomatik tashkilotlarining vakillari, O‘zbek san'atining yosh va keksa yulduzlari bo‘lgan.

“Men sen bilan qirolichaman” deb nomlangan yangi jamlamasidagi qo‘shiqlarni birma bir tomoshabinlarga jonli ravishda kuylab berayotgan Yulduz Usmonova, “Samarqand” deb nomlangan xonishini taqdim etishdan oldin, yig‘ilganlarga qarata shunday dedi:

  • Eng kerakli ko‘shiqlarimdan, sevimli qo‘shiqlarimdan bir bo‘lgan, tandirdan uzilgan, yangi qo‘shiqlarimdan birini yozdim…Xech o‘ylaganmisizlar….Birxilgilardan men xafa bo‘laman. Nolishdan oldin mundoq dunyoga qarang, xabarni yozsang, axborotni yozsang, butun dunyo ostin ustin deydi…Ko‘z tegmasin, a, bizga… davomli qarsaklar, xushtak ovozlari)..Bizga xaqiqatda ko‘z tegmasin! Baxt nimada, onajonim, buvijonim, (zaldagi bir keksa onaxonga qarab), bir dona bo‘lib o‘tiribsiz, menga ayting, baxt nimada? Xotirjamlikda, sog‘lik salomatlikda!. Qolgan latta chutta kelovradi, ketovradi, yirtilovradi, yangisini olaverasan xudo bersa..

Men aytmoqchi bo‘lganim, bu o‘z o‘zidan bo‘lmaydi. Sendan xarakat mendan barakat. Mana shu yurtimizni necha necha yillardan beri boshqarib, butun O‘zbekistonni janjal to‘palanglardan asrab Avval ollox,… borini, jonini fido qilgan, o‘sha, man bobo deymi, Otadan xam yoshlari ulug‘, yurtimizni otasi, bobosi bo‘lgan podshoyimizga qo‘shiq yozganman. (Zalda 18 soniya mobaynida qiyqiriq, gulduros qarsaklar va “Ofarin!” degan xitoblar yangraydi) Va, xamon mingdan ming minnatdorman. Shu Samarqandning tuprog‘iga xam, (yana gulduros qarsaklar) o‘shatdan shunday farzandlarni yetishtirib tug‘dirganlarga..Beshigingdan o‘rgulib ketay o‘zbegim!

Qo‘shiq Samarqand shaxri madxi bilan boshlanib, shu zaminda yana Amir Temur kabi bir soxibqiron dunyoga kelgani aytiladi.

Soxibqiron davlat tuzgan zamoni.
Olamning sayqali bo‘lgan Samarqand,
Yana shu yurtlaringa berdi daxoni,
Shu yerda tug‘ildi temuriy….

Qo‘shiq davomida Yulduz Usmonova o‘zbekiston prezidenti Islom Karimovni xalqning xaloskori sifatida madx etadi.

Ey, soxibqironga munosib voris,
Buyuk xalq boshiga kelganda balo..
Istiqlol bayrog‘in qo‘lga oldingiz,
Xurriyat olinur, berilmas aslo!

Qo‘shiq restoran zalida yig‘ilgan mexmonlar tomonidan gulduros qarsaklar bilan kutib olindi.

Bir qancha yillardan buyon O‘zbekistonda rasman kontsert berishdan va telekanallarda ko‘rinishdan maxrum qilingan xonanda Yulduz Usmonova O‘zbekistondagi erkin ijodiy faoliyatiga qaytish uchun xarakat qilib kelayapti.

O‘zbekistonni jannatga o‘xshatish va undagi cheksiz baxtiyorlikni tinmay madx qilish orqali maqsadga yetib bo‘lmasligini anglagan xonanda, malakatning birinchi oilasiga tegishli bo‘lgan shaxslar va ularning xizmatlarini ulug‘lovchi qo‘shiqlar yaratdi.

2013 yilda u O‘zbekiston prezidenti Islom Karimovning to‘ng‘ich qizi Gulnora Karimovaga bag‘ishlab “Gulisan” qo‘shig‘ini kuyladi. Keyinchalik esa xonanda, Gulnora Karimova nazoratida o‘tkaziladigan xashamatli bir xalqaro tadbir uchun maxsus “Asrlar sadosi” qo‘shig‘ini yozdi. Lekin, ikkala qo‘shiq xam sabablari aytilmas ta'qiqqa uchradi. Oradan ko‘p o‘tmasdan esa Gulnora Karimovaning o‘z xam mamlakat siyosiy saxnasidan sirli tarzda g‘oyib bo‘ldi.

Yulduz Usmonova O‘zbekistonda norasmiy ta'qiq ostida ijod qilayapti. Unga “O‘zbeknavo” tomonidan qo‘shiq aytishga lintsenziya berilgan, lekin mamlakat ichidagi katta kontsert zallari va maydonlar xonanda uchun xamon yopiq qolayapti.

Dunyoda “Sharq primadonnasi” deya atalgan Yulduz Usmonova bugun faqat O‘zbekiston ichidagi to‘y xashamlardagi chiqishlari va xorijdagi o‘zbek auditoriyasi oldidagi kontsertlaridan kelgan daromad bilan kun ko‘rayapti. Ma'lumot uchun: Yulduz Usmonova Qozog‘istondagi to‘y xasham va boshqa korporativ tadbirlardagi chiqishlari uchun 10 mingdan 15 ming dollargacha gonorar oladi.

Tag‘in o‘qing
29 mart 2017
Mirziyoevning kuyovi Otabek Shaxanov, O‘zbekiston prezidentining Qozog‘istonga rasmiy safari chog‘ida o‘zbek delegatsiyasi tarkibida ko‘rindi. 22-mart kuni tasvirga olingan prezident ...
4 mart 2016
Pul evaziga oyoq to‘pi o‘yinini spektaklga aylantirgan kelishilgan o‘yinlar qiroli Camvel Babayanni rassom Elsevar hajv qildi. Rassom Elsevar Eltuz.com
12 aprel 2020
1994 yili akam Shuhrat, ukam G‘ayrat va men Urganch shahrida mustaqil telestudiya tashkil etgan edik. Ochilgan kunidan buyon uni ...
27 noyabr 2017
Bosh prokuratura huzuridagi departament “Sharshara” savdo belgisi ostidagi kolbasalar eshak go‘shti qo‘shilgan holda savdoga chiqarilishining oldini olganini ma'lum qildi. ...
Bloglar
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...
13 yanvar 2021
Kun.uz professionallarni ishga qabul qilar emish. Katta maosh, ikki mahal ovqat. Sihatgohning o‘zi-ya! Bunday ishxonani ...
11 yanvar 2021
Taniqli shoir Bahrom Ro‘zimuhammad 60 yoshda Bahrom aka indamaygina oltmishga kiribdi. Botinan qaralganda, unday emas. ...