Multimedia
22 aprel 2016

Rok-n roll qiroli Prins o‘ldi

Amerikalik qo‘shiqchi 57 yashar Prins o‘zining Minnesotadagi ovoz yozish studiyasida o‘lik xolda topildi.

Qo‘shiqchi o‘limi haqida uning matbuot kotibi Associated Pressga bildirdi.

The Hollywood Reporterga ko‘ra politsiya sirli o‘lim yuzasidan tergov boshlagan.

Prints jasadi ertalab topilgan, qutqaruv xizmatiga bu haqdagi xabar mahalliy vaqt bilan soat 9.43 da tushgan. To‘liq ismi Prins Rodjers Nelson bo‘lgan qo‘shiqchi bundan 6 kun avval shamollash alomatlari bilan shifoxonaga yotqazilgandi.

Qo‘shiqchi 1958 yilda Minneapolisda tug‘ilgan. U o‘z musiqiy faoliyatini ritm-end-blyuz yo‘nalishidan boshlab, fank, jaz ijrochisi sifatida nom chiqargan.

Qo‘shiqchi musiqiy iste'dodidan tashqari, o‘zining yorqin imiji va mojarolarga sabab bo‘luvchi xatti-harakatlari bilan ajralib turgan.

Musiqachi ommani nafaqat musiqasi va kiyimlari bilan, balki 1993 yilda o‘z taxallusini erkak va ayol ramzini bildiruvchi belgilardan iborat, talaffuz qilib bo‘lmaydigan emblemaga o‘zgartirgani bilan ham hayron qoldirgan.

Bundan keyin uni «avval Prints nomi bilan ma'lum bo‘lgan artist» deb atay boshlashgan.

Qo‘shiqchi hammasi bo‘lib 39 ta albom yozgan. Uning oxirgi albomi 2015 yilda chiqqan.

Qo‘shiqchining eng mashhur qo‘shiqlaridan biri Purple Rain (Qirmizi yomg‘ir) qo‘shig‘i hisoblanadi.

Prins qatorasiga yetti marta “Gremmi” sovrini ni olgan edi. Shuningdek u “Qirmizi yomg‘iri” filmida ijro qilgan saundtrek uchun “Oskar” ham olgan.

Prins ijodi boshlangan 1970 yildan beri dunyo bozorida uning 100 milliondan ziyod disklari sotilgan. 2004 yili Prins “rok-n-roll shon-shuhrati” zaliga nomi oltin harflar bilan zarb qilindi.

Eltuz.com

Tag‘in o‘qing
9 noyabr 2018
Inson baxtli bo‘lishi uchun nima qilishi kerak? Sevgan yorini topishi kerak dersiz? Lekin Farg‘ona viloyati rahbarlari bunday deb o‘ylamaydi. ...
8 aprel 2022
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz darajada ko‘tarib yuborgan Qurmonbek ...
22 dekabr 2017
22 dekabr kuni prezident Mirziyoev O‘zbekiston Oliy Majlisida qilgan bir necha soatlik jonli murojaatida moliya xodimlarini «kalamushlar» deb atadi. ...
12 iyun 2018
Bundan bir qancha vaqt avval ayrim mahalliy saytlar “Jahon” axborot agentligi xabariga tayangan holda Belgiyaning Victor Buyck Steel Construction ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...