Ko‘zbo‘yamachilik prezident dakkisidan keyin ham davom etmoqda

Farg‘ona viloyatidan olgan ma'lumotlari asosida 17 aprel kuni «Xabar.uz» sayti tomlarning shiferlarini jigarrangga bo‘yayotgan o‘qituvchilar suratini e'lon qildi.

Saytning bildirilishicha, suratlar va ma'lumotlar Quva tumanida 15 aprel kuni olingan. O‘sha kuni prezident tashrifi oldidan farg‘ona viloyatining Quva va Rishton tumanlari maktablari o‘qituvchilari va bog‘cha tarbiyachilari ko‘cha tozalashga olib chiqilgan, ustamasiga ulardan prezident kelishiga deb pul ham yig‘ib olingan.

Bu voqea prezident Shavkat Mirziyoevning Sirdaryo viloyati Sayxunobod tumanidagi selektorda so‘zlagan nutqidan keyin ro‘y bermoqda.

Prezident o‘qituvchilar obodonlashtirish ishlariga jalb etilsa, jazo qattiq bo‘lishi haqida 13 aprel kuni ogohlantirgandi.

Eltuz.com