Turkiya va O‘zbekiston birinchi xonimlari uchrashdi

Turkiya prezidenti Rajab Erdo‘g‘onning xotini Amina Erdo‘g‘on 30 aprel kuni o‘zining Twitter tarmog‘iga prezident Mirziyoevning xotini Ziroatxon bilan tushgan rasmini qo‘ydi.

«O‘zbekiston poytaxti Toshkentda Ziroatxon Mirziyoeva xonim afandi ila unumli bir uchrashuv qildik. Samimiy uy sohibasiga tashakkurimni bildiraman», deya yozdi Amina Erdo‘g‘on rasmga izohida.

Eslatib o‘tamiz, 30 aprel kuni Toshkentda prezident Shavkat Mirziyoev va Turkiya prezidenti Rajab Erdo‘g‘onning oliy darajadagi uchrashuvlari o‘tgan, bunda O‘zbekiston nihoyat Turkiy xalqlar hamkorligi kengashiga qo‘shilish istagini bildirgandi.

«Bu o‘ta muhim va buyuk qaror!» deya ta'kidlagan edi Mirziyoev.

Eltuz.com