UzPoster
18 dekabr 2018

Andijonlik pistachi «tabib»ni yutuberlar firibgar deya qoralashdi

O‘zini tarmoqda «tabibi mutlaq Hasan domla» deya tanitib,  minglab kasallarni faqat asal va pista bilan davolashga urinayotgan, o‘zida Iso payg‘ambarga berilgan xislat borligini da'vo qilayotgan shahrixonlik Hasan Ismoilov ijtimoiy tarmoq blogerlari malomatiga qoldi.

Yutuber Shuhrat Musaev tabibni yolg‘onchi, uning videolariga Hasan Ismoilov bildirgan javoblar «tufta» ekanini bildirdi.

«O‘zbekistonda bormagan «jinkashim» qolmagan. Hammasi apiris… Keyin asalingizga nima qo‘shib berasiz sotayotganingizda, savolga javob bera olasizmi? Fokus-mokus, abrakadabra-shvabra – kerakmas unaqa narsa…», deydi Musaev o‘z chiqishida.

Musaevning shakar qiyomini «asal» deb sotayotgan «domla»ning g‘irrom biznesi haqidagi fikrini davom ettirib, Iskandar Makedonskiy niki ostida tanilgan boshqa bloger ham uni ochiqchasiga «sharlatan», unga borgan bemorlarni esa haqiqatan «aqldan kamchiligi borlar», deb ataydi.

«Qo‘llarini mundog‘ «shaolin» qilib kasallarni davolayotgan tabibning gaplariga quloq soling-da, «Miyadan belga beradi», «Miyadan ko‘tga beradi», «…ga beradi»… Bir ayol e'tiroz bildirdi, «Jigarchi?», «Jigar normalno», «Axir mening jigarim…» deb qo‘llari bilan ko‘rsatyapti, u bo‘lsa yana, «Siz indamangda, aytdim-ku miyadan belga beradi, buyrakka beradi», deb gapni obqochyapti», deydi Makedonskiy.

Hasan Ismoilov o‘z harakatlariga ta'rif berarkan, buni Iso payg‘ambarga berilgan xislat, deydi:

«Xuddi bizga o‘xshab silash yoki mash deydi-da buni. Bu xislat yana 12 ta avliyoga berilgan edi», deya qo‘shimcha qilib Ismoilov.

Hasan Ismoilovning yuzma-yuz muloqotga chiqishini so‘ragan surxondaryolik bloger Rustam Rahmonov esa 17 dekabr kungi chiqishida «tabibi mutlaq»ning ilgari diniy ekstremizm moddasi bo‘yicha qamalib chiqqaniga e'tibor qaratadi.

Blogerlarning bu kabi tanqidlarga javoban Hasan domla ham o‘z chiqishlari orqali «javob» qaytarib, ularni «kazzoblar», «shar'iy hukmlarga qarshi borganlar», deya ataydi.

Yana bir chiqishida esa uni tanqid qilgan Musaevning soqolini echkinikiga o‘xshatadi.

«Echkida ham soqol bor, lekin echki soqoliga siyadi», deya javob qaytaradi shahrixonlik Hasan Ismoilov o‘z tanqidchisi Musaevga.

Boshqa bloger Makedonskiy esa o‘z «javobi»da «asal domlaning kasali»ga Musaevning soqoli qanchalik daxldorligini tushunmasligini aytadi.

Eltuz.com

Tag‘in o‘qing
2 dekabr 2019
Qirg‘iziston milliy tasviriy san'at muzeyi direktori Mira Jangaracheva feminnale ko‘rgazmasini tashkil qilgani uchun ishdan olindi. Bu holatni qirg‘iz matbuotiga ...
5 sentyabr 2018
Telia shirkatining sobiq rahbarlari ustidan Stokgolmda davom etgan sudda Toshkentdagi «Dado» guruhi qo‘shiqchisi bo‘lgan Rustam Madumarov Gulnora Karimovaning rasmiy ...
11 mart 2022
Bugun 11-mart. Ya'ni 8-mart xalqaro xotin qizlar bayramidan  3 kun o‘tdi. Eltuz kanalining Yutubdagi obunachilari soni 300 mingdan oshdi.  ...
22 mart 2021
O‘zbekistonda strategik ahamiyatdagi yirik korxonalarni oligarxlarning shubhali kompaniyalariga ishonchli boshqaruvga berish amaliyotining misi chiqdi. Hukumat yaqinda ularning biri bilan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...