UzPoster
9 may 2022

Mustaqillik tarixini videoga olgan shaxs

Abdulaziz Mahmudov bir necha bor mendan video intervyu olishni so‘ragan. Bunga vaqt ham, istak ham bo‘lgani yo‘q. Men uning kimligini bilmasdim.

Ammo men bugun uning 71 yoshida vafot etganini bildim, rejissyor, stsenariy muallifi va operator sifatida 80-yillarning oxiri va 90-yillarning boshidagi barcha eng muhim voqealarni suratga olganini angladim.

Yutubdagi kanalini ochib tomosha qilarkan, 1989 yili «O‘zbekiston» mehmonxonasi oldida o‘tgan o‘zbek tili himoyasiga bag‘ishlangan namoyish aks etkan lavxalardan ko‘zimni uzolmadim. Kadr ortida Abdulaziz Mahmudovning o‘zi ziyolilarcha yumshoq ovozda militsiyaga o‘zining kimligini tanishtirmoqda: SSSR kinematografchilari uyushmasi a'zosi, dramaturg, rejissyor, stsenarist. Shu javob bois militsiya uni hibsga olishga jur'at eta olmadi.

Uning arxividagi keyingi lentalar esa ko‘plab shaxslar va ularning ehtiroslari bilan to‘la. U atrofda kechayotgan voqealar, butun tariximizni xotira sifatida qoldirdi. Mana Afg‘on urushidan qishlog‘iga 200 raqamli yuk sifatida qaytgan yigitning dafn marosimi;  Muxolifatning dastlabki qurultoylari, bir vaqtlar bizda «Erk» va «Birlik» partiyalari bo‘lganini hozir kim eslaydi? Mana bu yerda esa Mustaqillik g‘oyasi muhokamasi, ilgari surilayotgan talablar.  

Ma'lum bo‘ladiki, bu inson 30 yil avval yuz bergan mamlakatimizning yangi tarixini aks ettirgan tasmalarni saqlab, bizgacha yetkazgan. Hech qachon bizga ko‘rsatilmagan voqealar. Erinmasdan, yosh avlodlar uchun Yutub kanaliga joylagan…

Ijodiy faoliyati davomida u 60 dan ortiq nomdagi hujjatli, ilmiy ommabob filmlarni tasvirga oldi.

Hujjatli filmlarning bir muncha mashhurlari: «Yuzma yuz», «Qaytish», «Zamondoshlar», «Yer egasi», «Parkentda qon to‘kildi», «O‘zbeklar ishi», «Farg‘ona fojiasi», «O‘tmish va kelajak o‘rtasida», «Yovvoyilar», «Norasmiylar», «Shohimardondagi uchrashuv», «Amir Temur soyasida», «Xalq deputati», «Prezident qabulxonasi», «Xalq so‘zi» va boshqalar.

Raxmat Abdulaziz aka. Siz bilan tanishish uchun ikki soat vaqt topa olmaganim uchun meni kechiring. Men bundan hozir og‘ir uyatdaman.

Xudo raxmatiga olsin. 

Aziza Umarova

Smartgov Consulting kompaniyasi ijrochi direktori

Tag‘in o‘qing
17 avgust 2017
Matluba Azamatova 1965 yil Andijon shahrida tug‘ilgan. Maksim Gorkiy nomli Adabiyot institutida tahsil olgan. Britaniyaning IWPR instituti va Bi ...
9 fevral 2022
15 asr jahon ma'naviyatining buyuk siymosi Nizomiddin Mir Alisher Navoiy 1441 yil 9 fevralda Hirotda tug‘ildi. U turkiy tilni ...
3 may 2021
Yangiyo‘l shahridagi 1-umumta'lim maktabi o‘qituvchisi maktab mutasaddisi Umida Sattorova muallimlarni koronavirusga karshi vaktsinani olishga majburlayotgani, aks holda ishdan haydash ...
8 sentyabr 2020
Turkiya sudi 2017 yil 1 yanvar kuni Istanbuldagi tungi klubda terakt uyushtirgan o‘zbekistonlik Abdulqodir Masharipovni umrbod qamoq jazosiga hukm ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...