Dayjest
18 yanvar 2016

Militsiya niqobidagi firibgarlar va Samarqanddagi o‘g‘irlik

Rejalar zo‘r, aslidachi?

Rasmiy nashrlarda yozilishicha, O‘zbekiston prezidenti Vazirlar Mahkamasi yig‘ilishida mamlakatning yalpi ichki mahsulotini 2030 yilgacha 2 barobar oshirish rejasini e'lon qilgan.

Islom Karimovning aytishicha, mamlakatda YaIMning 2016-2030 yillarda 2 barobar ko‘payishiga erishish uchun o‘rtacha yillik o‘sish sur'atlari 4,8 foiz darajasida bo‘lishini ta'minlash zarur.

“Agar keyingi 11 yilda bu ko‘rsatkich 8 foizdan yuqori bo‘lib kelganini hisobga oladigan bo‘lsak, bu vazifani amalga oshirish uchun mustahkam asos va zamin borligi yaqqol ayon bo‘ladi”, deydi prezident.

Birorta nashr: “Agar 11 yildan beri uzluksiz ravishda 8 foizdan oshiq o‘sishga erishib kelayotgan bo‘lsak, demak bu davrda YaIM kamida 3 barobar oshgan bo‘lishi kerak edi-ku. Nega bu hayotda ko‘zga tashlanmayapti”, deya mulohaza qilib ko‘rmagan.

Shuningdek, I.Karimov 2020 yilgacha mamlakatda paxta xomayoshsi yetishtirish hajmi 3 million 350 ming tonnadan 3 million tonnaga bosqichma-bosqich qisqartirilishini ham ma'lum qilgan.

Oylik oshishi narx-navoga qanday ta'sir etadi?

“Tasvir” gazetasi mamlakatda byudjet tashkilotlari xodimlari maoshini oshirish to‘g‘risidagi farmon chiqar-chiqmas bozordagi narx-navo birdan keskin oshib ketishiga munosabat bildiradi.

“Bu savdo sohasidagi yurtdoshlarimizning insofi bilan bog‘liq masala. Qolaversa, bozorda haqiqiy dehqonni uchratish mahol bo‘lib qoldi. Rastayu peshtaxtalarni olibsotarlar egallab olgan”, deyiladi gazetada.

Shuningdek, gazeta qishloq xo‘jaligi mahsuloti bozorga yetib kelgunga qadar uchta qo‘ldan o‘tishini ham yozadi.

Militsiya niqobidagi firibgarlar

Shuningdek, “Tasvir” gazetasi o‘zini ichki ishlar xodimi deya tanishtirgan holda firibgarlik bilan shug‘ullangan jinoyatchilar qo‘lga olinganini ham ma'lum qildi.

Gazetaning yozishicha, jinoyatchilar o‘zlarining militsiyada ishlashini aytib, IIBda saqlanayotgan Pavel Chexiryov ismi shaxsni ozod qilish uchun uning tanishlaridan avval 100 AQSh dollari, so‘ng esa 670 ming so‘m undirgan.

Jinoyatchilarning har biri besh yil muddatga qamoq jazosiga hukm qilingan.

Ijtimoiy tarmoqlar kim uchun xavfli?

“Adolat” gazetasi ijtimoiy tarmoqlar “qarmoq”qa aylanib qolmasligi haqida qayg‘uradi.

Gazetaning mutaxassislar xulosasiga tayanib yozishicha, “Facebook”, “Odnoklassniki”, “Twitter”, “Instagram” kabi ijtimoiy tarmoqlar “domiga tushgan” yoshlarda begonalarga ishonish darajasi yuqori bo‘ladi.

“Bugun terrorizm, odam savdosi, fohishabozlik, giyohvandlik, qurol-yarog‘ savdosi singari umuminsoniy illatlar ishtirokchilari aynan shunday ishonuvchan bolalar bo‘lgandir”, deya mulohaza qiladi gazeta.

“Islomiy davlat” jangari filmlarni yaxshi ko‘radimi?

“Huquq olamida” gazetasi zo‘ravonlik, jangarilik sahnalari namoyish etiladigan filmlar, ayniqsa, yoshlar ruhiyatiga salbiy ta'sir etishi haqida maqola e'lon qildi.

“Odamlar ruhiyatini yaxshi o‘rgangan, o‘zlarini “Islomiy davlat” deb ataydigan terror tashkiloti Iroqning Mosul shahrida faqat zo‘ravonlik aks etgan filmlar namoyish etiladigan kinoteatr ochdi. Shafqatsiz filmlar namoyish etish orqali terrorchilar o‘z saflariga yangidan yangi kallakesarlarni jalb qilishga urinmoqda”, deb yozdi gazeta.

O‘zbekistonning harbiy xarajatlari o‘sishda davom etadi

Sputniknews-uz.com internet nashrining Strategicdefenceintelligence.com ga asoslanib yozishicha, O‘zbekiston harbiy byudjeti 2007 yildan beri to‘xtovsiz ravishda o‘sib kelmoqda. 2014 yilda respublika harbiy byudjeti 2,2 mlrd dollarni, 2015 yilda 2,4 mlrd dollarni tashkil etgan. 2019 yilga kelib ushbu ko‘rsatkich 3,4 mlrd dolllarga yetishi taxmin qilingan.

O‘zbekiston Qurolli kuchlarida taxminan 65 ming askar va zobit xizmat qilmoqda, deb xabar beradi nashr.

Samarqandda davlatning katta miqdordagi mablag‘i talon-toroj qilingan

Sputniknews-uz.com nashrining “Samarkandskiy vestnik” gazetasiga tayanib yozishicha, 2015 yilda prokuratura tomonidan o‘tkazilgan tekshiruvlar natijasida, yo‘l qo‘yilgan qoidabuzarliklar, xususan, ijtimoiy to‘lovlarni belgilash, oyliklarga qo‘shib yozish, o‘z vaqtida to‘lamaslk, pensiya va boshqa ijtimoiy to‘lovlarini banklar, javobgar shaxslar va tashkilotlar tomonidan o‘g‘irlash holatlari aniqlangan.

Byudjet tashkilotlarini tekshirish vaqtida bir qator moliyaviy qoidabuzarliklar aniqlangan. 2015 yilda byujdet mablag‘larini ishlatish borasidagi qoidabuzarliklar 16,5 mlrdni tashkil qilgan, ulardan 2,2 mlrd so‘mi o‘g‘irlangan. Birgina Samarqand shahrining o‘zida 1 milliard 185 million so‘m byudjet mablag‘i o‘marilgan.

Viloyatdagi mazkur qonunbuzarliklar yuzasidan viloyat prokuraturasi 2015 yilda 125 ta jinoyat ishi qo‘zg‘atgan.

Tag‘in o‘qing
19 aprel 2018
Shu yilning 18 aprelida feysbuk sahifasida oq do‘ppi kiygan haydovchining mashinasi kapotini ochib ko‘rayotgan militsiya formasidagi yigit fotosuratlari paydo ...
8 fevral 2019
Burgut tog‘ning tepasidagi cho‘qqida qimirlamay o‘tirardi. Quyon bo‘lsa pastdagi adiru tepaliklarda yugurgani yugurgan edi. Bir kuni quyon burgutga qarab: ...
26 yanvar 2018
23 yanvar kuni bir guruh o‘zbekistonliklar muxolifat lideri Muhammad Solihni “vatanga qaytarish”ni so‘rab prezidentga murojaat xati yozishdi. “Endi biz ...
20 mart 2020
20 mart kuni O‘zbekistonda koronavirus yuqtirilgani qayd etilgan shaxslar soni 33 nafarga yetdi. Dastlab O‘zbekiston epidemiologiya markazi Frantsiyadan qaytgan ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...
20 noyabr 2020
Bugun kechqurun gazim yonmadi, o‘zi shundoq ham past yonardi. O‘tin-ko‘mir g‘amlamagandim. Kichkina elektrpech o‘zini o‘zi ...