Catira
24 mart 2017

O‘zbek futbol termasi urush girdobidagi Suriyaga yutqazdi

23 mart kuni futbol bo‘yicha Jahon chempionatining saralash bosqichida O‘zbekiston terma jamoasi Suriyaga yutqazdi.

Ancha sust kechgan o‘yin yakunida penalti orqali Suriya jamoasi O‘zbekiston darvozasiga to‘p kiritishga muvaffaq bo‘ldi. Hisob 1:0.

2016 yili o‘zbek futbolining korruptsiyaga botganini tanqid qilgan jurnalistlar UzTVdan haydalgan edi

«Ko‘rayapmiz birinchi taym tugar-tugamas futbolchilarimiz charchab qoldi. Tillari osilib yura olmay qoldi» deydi futbolni kuzatgan Eltuz suhbatdoshi o‘zbekistonlik Mirkomil.

Uning fikricha butun muammo o‘zbek sporti sohasini egallagan korruptsiyada.

O‘tgan yili O‘zTV jurnalistlari Zafar va Diyor Imomxo‘jaevlar o‘z ko‘rsatuvlarida korruptsiyani fosh qilishgani uchun “Sokker klub” va “Futbol sharhi” ko‘rsatuvlari  ko‘rsatuvlari efirdan olib tashlangan va ularning o‘zlari ishdan haydalishgandi.

O‘zbek terma jamoasining 6 yillik urush girdobida qolayotgan mamlakat terma jamoasiga yutqazishi o‘zbek futbol ishqibozlarining chinakam g‘azabiga sabab bo‘ldi.

«Ko‘rgan ko‘zlarim ko‘r bo‘lsin! Psix bo‘lib, boradigan joyim boridi bormadim! Tfu hammasiga, xayf shuncha qaror, xayf shuncha pul, xayf, xayf….😀» deya yozdi Feysbuk yuzeri Mirzoxid Botirov.

«O‘rtoqlar men o‘zbekiston yutadi deb pul tikkan edim, bularni oyog‘ida to‘p turmaydi yana maqtanishadi bayroqni baland ko‘taramiz deb,er bilan bitta qilishdi», deya davom qildiradi norozilik baxsini Ravshan Sheraliev ismli muxlis.

«buzoqning yugurgani somonxonagacha!!! Uzb.termasi buzoq ham emas!!!!! yugurmaydiyamku. Babayan v otstavku!!!!!!!!» deydi g‘azab bilan yana bir yuzer Akram Jo‘raboev.

O‘FF prezidenti Mirabror Usmonovga Ochiq xat yozgan futbol ishqibozi va jurnalist Bobomurod Abdulla mag‘lubiyatda, jamoa murabbiysi Babayanni ayblaydi.

Uning fikricha murabbiylikka noloyiq shaxsning tayinlanishi o‘zbek sporti mutasaddilarining katta xatosi bo‘lgan.

Boshqa sport ishqibozi Mirkomil fikricha ayb birgina Babayanda emas.

«Babayan nima qilib berishi kerak, butun 30 millionlik mamlakatdan yig‘ilgan futbolchilarimizning ahvoli shu bo‘lsa?» deydi u.

Eltuzga bergan intervyusida u mamlakat futboli bir guruh tijoratchi va korruptsionerlar qo‘lida ekanini aytadi.

Mirkomilning fikricha o‘zbek futboli selektsionerlari sportchilarni mamlakat ichidan qidirishi va yetishtirib chiqarishi lozim.

 

Eltuz.com

Tag‘in o‘qing
23 fevral 2021
(Muhammad Solih audiokitobining davomi) Sizlar-chi, 1987 yilda nima bilan mashg‘ul edinglar, janob manqurtlar? Masalan, men bilaman, sizlarning adabiyotchilaringiz u ...
27 avgust 2021
Rassol Kirpi
7 sentyabr 2017
7 sentyabr kuni, «Do‘stlik» KPPning rasmiy ochilishidan bir kun o‘tib, o‘shlik huquq himoyachisi Izzatulla Raxmatullaev chegaraning yana yopilgani haqida ...
29 noyabr 2021
Shvetsiya bosh vaziri o‘z mamlakatida xizmat mashinasiga ega yagona siyosatchi. Qolgan mulozimlar ishga o‘z mashinasi, velosipedi yoki tramvayda boradi. ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...