Sas
17 avgust 2017

«O‘z xalqini qirdi bir xoin…»

Matluba Azamatova 1965 yil Andijon shahrida tug‘ilgan. Maksim Gorkiy nomli Adabiyot institutida tahsil olgan. Britaniyaning IWPR instituti va Bi Bi Si radiosi muxbiri bo‘lib ishlagan. Hozirda Shvetsiyaning Helsinborg shahrida yashaydi.

Qonli Andijon

Qonga botdi bugun Andijon,
Haq izlagan xalqim qirildi.
Ko‘chalarda girdob bo‘ldi qon,
Inson o‘lib, ruhlar tirildi.

Qonga botdi bugun Andijon,
Changalini yozdi Azroil.
Yosh go‘daklar taslim qildi jon,
O‘z xalqini qirdi bir xoin.

Qonga botdi bugun Andijon,
Jonni oldi Islom degan zot.
Murdalarga to‘ldi bu maydon,
Topolmadi odamlar najot.

Qonga botdi bugun Andijon,
Mard yigitlar jon qildi fido,
Yosh bola-yu, qizu yosh-juvon…
Hammasiga guvohdir Hudo.

Qonga botdi bugun Andijon,
Ajal quvdi minglab odamni.
Otangman, deb quturgan hayvon,
Tinglamadi hech bir nolani.

Qonga botdi bugun Andijon,
O‘lim bugun qildi tantana.
Haqiqatdan ketdi bor mador,
Ustun keldi xiyonat yana.

Qonga botdi bugun Andijon.
«Xalq otasi» farzandin qirdi.
Xalqim yuragingda uyg‘onsin isyon,
Dunyo sening kulfating bildi.

Qonga botdi bugun Andijon.
Qasos tayin qotillar uchun.
Qalbda gulxan lovullar har on,
Haqni qo‘llash – bu mening burchim.

Matluba Azamatova
«Ozodlik ohanglari»
Eltuz.com

Tag‘in o‘qing
29 may 2023
Oliy Sud qabuliga borgan Eltuz obunachisi Odilbek shikoyat maktubi: “Juma, 26 may kuni Oliy sud raisi, Bosh prokuror, Ichki ...
11 aprel 2018
DXX raisi Ixtiyor Abdullaevning islomiy tahdid haqidagi bayonotidan so‘ng, mustaqil manbalarning «Eltuz»ga xabar berishicha, Musulmonlar idorasi kotibiyati bo‘limi mudiri ...
8 iyun 2022
Ikkinchi jahon urushida insoniyat qozongan va nishonlagan g‘alaba kuni aslida 8 iyun ekanini ko‘pchilik bilmaydi. 1946 yil 8 iyun ...
14 may 2023
Buxoro viloyat IIB tarqatgan bildirgida jinoyat tafsiloti ham keltiriladi. Biroq tergovga xalaqit bermasligi uchun jurnalistlardan bu ma'lumotlarni oshkor etmaslik ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...