Asosiy mavzular
2 iyun 2022

2 iyun – Rossiya istilochilariga qarshi Zirabuloq jangidagi mag‘lubiyat

Rossiya istilochilari tomonidan Samarqand bosib olingach, 1868 yilgi eng qonli janglar Zirabuloq tepaligini saqlab qolish uchun bo‘ldi.

Biroq Rossiyaning zamonaviy o‘tochar qurollar, zambaraklarga ega armiyasiga qarshi tengsiz jangda Buxoro amiri askarlari mag‘lubiyatga uchradi va Rossiya hukumatidan otashkesim so‘rashga majbur bo‘ldi.

1968 yilning 23 iyunida tuzilgan tinchlik bitimiga ko‘ra, Buxoro xonligi o‘z tasarrufidagi Samarqand, Kattaqo‘rg‘on, Panjikent va Urgut bekliklarini, Zarafshon vodiysini Rossiyaga topshirdi.

Bundan tashqari, Buxoro amiri Rossiya imperatorligiga 500 ming tilla harbiy tovon puli to‘lash, rus savdogarlariga amirlik hududlarida erkin savdo qilishiga ruxsat etish, ularning mol-mulki, shaxsiy himoyasiga kafolat berish, shuningdek, barcha shaharlarda savdo agentliklarini ochishga imkon yaratish majburiyatini oladi.

Shu tariqa bu bitim Buxoro amirining Zirabuloq tepaligidagi mag‘lubiyatidan so‘ng yurt mustaqilligiga qarshi Rossiyaning navbatdagi qaqshatqich zarbasi bo‘lgan edi. O‘sha vaqtdan Buxoro amiri rus hukumatining barcha xohish-istaklarini bajara boshladi.

Rossiya esa o‘z mustamlakachilik siyosati bois xalq orasida amirlikka qarshi kelib chiqqan norozilik isyonlarini qurolli bostirishda yordam ko‘rsatib keldi.

Eltuz.com

Tag‘in o‘qing
3 fevral 2020
Adliya vazirligining kengaytirilgan hay'at yig‘ilishida notariuslarga diniy talablar qo‘yilgani haqida 2 fevral kuni O‘zA xabar berdi. «Ularga qonuniy ishlash ...
14 iyul 2020
Qadrli o‘quvchilar. “Eltuz” nashri jamoasi ta'tilga chiqishga qaror berdi. Biz kanallarimizda ciz bilan yana yuzlashamiz. “Eltuz” tahririyati o‘z ishini ...
26 yanvar 2018
O‘zbekiston Milliy xavfsizlik xizmati raisi Rustam Inoyatov Dubayda qiymati 12 million dollar bo‘lgan turar joy inshooti qurdirgani haqidagi ma'lumotni ...
28 may 2019
Moliya vazirligi xodimlari tomonidan byudjet tashkilotlarida o‘tgan yili va joriy yilning birinchi choragi davomida o‘tkazilgan nazorat tadbirlari bu muassasalarning ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...