Asosiy mavzular
13 noyabr 2018

Huquq faoli Eshonqulova pasportsiz va propiskasiz qoldirildi

Toshkent propiskasidan mahrum qilingan taniqli huquq faoli va jurnalist Malohat Eshonqulova 10 noyabr kuni Samarqandga propiskaga qo‘yilmadi.

Eshonqulovaning «Eltuz» muxbiriga bildirishicha, uning pasportini Samarqand tumani IIB pasport bo‘limi boshlig‘i Shohruh Hojimetov olib qolgan.

Pasporti olib qolingani haqida esa bo‘lim boshlig‘i huquq faoliga hech qanday hujjat bermagan.

Hojimetov huquq faolining Samarqandga propiska qilish masalasi boshqa viloyatdan kelgan shaxs sifatida komissiya tomonidan bir oy davomida ko‘rib chiqilishini bildirgan.

Bundan avval Eshonqulovaga Toshkentdagi propiskasidan mahrum etilgani ma'lum qilingan va u 8 noyabr kuni pasportiga hozir ro‘yxatda turgan joyidan ro‘yxatdan o‘chirilgani to‘g‘risidagi muhrni qo‘ydirishga majbur bo‘lgan edi.

Eshonqulovaga 2018 yilning 9 noyabrida berilgan Toshkent propiskasidan chiqarish to‘g‘risidagi  hujjatda avvaliga 2016 yil sanasi ko‘rsatilgan, uning e'tirozidan keyin u ruchka bilan «2017» qilib o‘zgartirilgan, keyin esa umuman yangisiga almashtirilgan

Eshonqulovaning «Eltuz»ga bildirishicha, uning Toshkentdagi propiskasini bekor qilish haqidagi sud qarori, undagi hujjatlarga ko‘ra, bir yil burun, Toshkent IIB migratsiya idorasi xodimiga ko‘ra esa 2016 yili chiqarilgan.

Malohat Eshonqulova kasbiy faoliyati bois bunday bosimlar unga qarshi shaxsan bosh vazir Abdulla Aripov tomonidan besh-olti yil burun boshlangan mojarolarning davomi ekanligini bildirmoqda.

Eshonqulova o‘zi tug‘ilib o‘sgan Samarqand viloyatidan 30 yil burun chiqib ketgan va MTRKning «Yoshlar» kanalida mamlakatning jiddiy muammolarini ko‘tarib chiqqan va Toshkent shahrida faoliyat yuritgan taniqli jurnalist hamdir.

Eltuz.com

Tag‘in o‘qing
29 sentyabr 2016
O‘zbekistondagi ayrim mahalliy internet nashrlari, jumladan, «Kun.o‘z» sayti mamlakat Kasaba uyushmalari federatsiyasi matbuot xizmatining xabarini chop etdi. Bu xabarda ...
10 sentyabr 2016
O‘zbekistonda Islom Karimov o‘limidan so‘ng hokimiyatning Bosh vazir tomonidan qo‘pol tarzda uzurpatsiya qilinishi kuzatilmoqda. O‘z mushtumzo‘rligi bilan tanilgan Bosh ...
17 avgust 2018
Bir kishilik kameraga tashlangan jurnalist Muhammad Bekjon mahbuslar bilan ventilyatsiya tuynugi orqali ilk bor «aloqaga chiqqan» kuni haqida hikoya ...
2 mart 2017
Avvaliga O‘zbekiston kasaba uyushmalari federatsiyasi saytida bosilgan quyidagi maqola juda dolzarb bo‘lgani sababli mamlakatdagi bir necha norasmiy internet gazetalarda, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...