Asosiy mavzular
8 fevral 2019

O‘zbeklarning cho‘qqidagi burgutga taqlidi

Burgut tog‘ning tepasidagi cho‘qqida qimirlamay o‘tirardi.

Quyon bo‘lsa pastdagi adiru tepaliklarda yugurgani yugurgan edi.

Bir kuni quyon burgutga qarab: “Men ham senga o‘xshab qimirlamay o‘tirsam maylimi”, debdi. “O‘tiraver”, debdi burgut.

Quyon bitta tosh ustiga chiqib, burgutga taqlidan viqor bilan bir nuqtaga qiytor ko‘zlarini boqib qimirlamay o‘tiribdi.

Quyon o‘zini ulug‘vor his qilibdi. “Olamning kindigi men bo‘lsam kerak”, degan o‘ylarga botibdi.

“Eh, umrim tiriklik tashvishida bir tepadan ikkinchi tepaga sakrash bilan o‘tdi! Bundoq tinchgina xotirjam o‘tirsam ham bo‘lar ekan-ku. Eh, huzur-halovatga nima yetsin!” deb battar bir nuqtada qotibdi quyon.

O‘sha joyda yurgan tulki quyonni ko‘rib qolibdi. Odatda tulkini ko‘rishi bilan mingga qo‘yib qochadigan quyon budda haykali kabi qimirlamay o‘tirganmish.

Tulki bir sakrab quyonning bo‘g‘zidan tishlabdi. Bir pasda bu quyon och tulkining oshqozonidan joy olibdi.

Qissadan hissa, harakatdan to‘xtagan tulkiga yem bo‘ladi.

Burgutga o‘xshab o‘tirish uchun burgut kabi yuksak cho‘qqida yashash kerak.

Bedananing yurishini qilaman, deb chumchuqning chatanog‘i ayrilibdi.

O‘zing kabi yasha va zinhor qimirlashdan to‘xtama…

Xo‘p, shu yerda nasihatni to‘xtatib, hayotga qaytsak. 18 yoshida uylangan yigitga kelin bola tarafidan “yashash standarti” belgilangan qizil kartochka ko‘rsatiladi.

“Kaptiva” (qimmat moshin), O‘rikzorda villa. “Versal”da tug‘ilgan kun. Ayfon. O‘sha oxirgi matoh ham 700 turadi. Ko‘kida.

Chunki falonchilarda ashnaqa tilpon bor, chunki pistiyonchilar ashnaqa uylarda yashaydi. Gapning qisqasi, cho‘qqidagi burgutlar.

Hali og‘zidan ona sutining hidi ketmagan va biror kasb-hunar boshini tutib, pul topish san'atini egallamagan 18 yashar yigit yelkasiga bu zil-zambil og‘irlik yuklanadi.

“Uylandingmi, ta'minlab qo‘y”, deyishadi junbul jamoat.

Yigit alang-jalang qilib o‘ris yoki qozoqqa ketadi.

Yo‘lda u tushgan avtobus yonib ketadi (bu holatning varianti ko‘p. Hamqishloq urib o‘ldiradi. Boshiga beton tushib keladi yoki ichburug‘dan o‘ladi). Kelin bolaning nomiga temir tobut keladi. Quchoqlayver endi muzday murdani.

Assalomu alaykum, O‘zbekiston, juma muborak.

Rassom Tuz
Eltuz.com

Tag‘in o‘qing
24 oktyabr 2016
O‘zbekistondagi siyosiy partiyalar 4 dekabr kuni bo‘lib o‘tadigan prezident sayloviga o‘z nomzodlarini ko‘rsatib bo‘ldi. Eng so‘nggida muvaqqat prezident va ...
18 avgust 2018
Shveytsariya federal jinoyat sudi O‘zbekistonning birinchi prezidenti marhum Islom Karimovning qizi Gulnora Karimova advokatlarining unga tegishli, mazkur mamlakat banklarida ...
12 iyul 2016
Farg‘onada odamlar SES xodimlarining hojatxona va molxonalarni tozaligi baxona aholidan go‘ng talab qilishayotganidan norozi. Ular buni go‘ngdan uylarnni isitish ...
14 dekabr 2015
Malohat Eshonqulova Eltuz.com Ular “Do‘stlik” tuman sog‘liqni saqlash tizimi tibbiyot xodimlari edi. Dam olish kuni bo‘lishiga qaramay ular, erta ...
Bloglar
27 yanvar 2021
Darvozani tambalamagan ekanman. Chiroq yo‘q edi. O‘rnimda cho‘zilib, ko‘zimni yumib yotgandim. To‘satdan hovlimdan ayollarning bir-biri ...
27 yanvar 2021
“Eltuz” qisqa hajviy animatsion filmlar turkumini davom ettiradi. Navbatdagi filmda buldozer daraxtzorni surib tashlaydi va ...
18 yanvar 2021
Bor ekanda yo‘q ekan, och ekanda to‘q ekan, yaqin-yaqin zamonlarda yot bosqinchilarning yuz yildan ko‘proq ...