Asosiy mavzular
4 fevral 2020

Mulozimlar daromad deklaratsiyasi taqdim qiladimi?

3 yil oldin besh-olti karchalon-u, va katta ehtimol bilan, tashqi siyosiy kuchlar ishtirokida o‘zini o‘zi prezident qilib saylab olgan Shavkat Mirziyoevning Oliy Majlisga murojaatnomasi yanvar oyining eng shov-shuvli voqeasi bo‘ldi. 

Prezident o‘z murojaatida O‘zbekistonda barcha sohalarni allaqachon zabt etgan korruptsiyani bartaraf qilish kerakligiga alohida to‘xtaldi. Yaqin kunlar ichida amaldorlarning daromadlari deklaratsiya qilinishiga urg‘u berdi. 

“Amaldorlarning bir yillik oyligidan nima qilish mumkin, nechta kostyum olishi mumkin, oilasining topgani bilan nima qila oladi, Prezidentning oyligi bilan nima qilish mumkin, boshqa kattalarning oyligi bilan nima qilish mumkin – hammasini yozib boramiz. Biz bunga juda katta tayyorgarlik ko‘ryapmiz”, – dedi davlat rahbari.

Prezident “otashin” nutqini davom ettirarkan, agar amaldorning mol-mulki uning daromadiga nomuvofiq bo‘lsa, u holda buni izohlab berishiga to‘g‘ri kelishini ta'kidladi. 

“Bularni qaerdan oldingiz, deb so‘raladi. Amaldor yozib beradi. Yo‘qsa, to‘ningni tashla-da, xalqning ichida rahbar bo‘lishga haqqing yo‘q. Qonun oldida javob beradi”, dedi u mag‘rurona. 

Rosti, prezidentning bu so‘zlari hali ham soddaroq va ishonuvchanroq bo‘lgan xalqni odatdagidek jo‘shqinlashtirib yubordi. 

Biroq bunday balandparvoz gap-so‘zlarni eshitaverib diydalari qotib ketgan, davlat rahbarining so‘zlariga ishonmay qo‘ygan xalqning hafsalasini pir qildi. 

Ko‘pchilik hatto prezidentning ushbu gaplari hamma amaldorlarga birday tatbiq etilishiga ishonmadi. 

Prezident aytayotgan mulozimning xarajat va daromadini tekshiruvchi korruptsiya agentligi tashkil topgunga qadar shu kungacha “halollik vaktsinasi” yetishmayotgan amaldorlar halollar safiga o‘tib olishlari, hatto kam daromad topuvchi shaxslar toifasiga mansub bo‘lib chiqishlari ham mumkinligini bashorat qilishdi. 

Shavkat Mirziyoevning davlat idoralarining shaffof ishlashi uchun zamin yaratishga, amaldorlarning daromadlari bo‘yicha hisobot berishini qonuniylashtirishga urinishi albatta tahsinga loyiq. 

Biroq Mirziyonning bu ishlarni amalga oshirishi dargumon. Chunki, o‘zi aytganidek, korruptsionerlarning hammasi shundoq yonginasida. 

Yangi tashkil etilajak agentlik, bordiyu Mirziyoevning atrofidagi korruptsionerlarga ko‘z yumib, boshqalarni jazolashga o‘tsa, bu ishlar hech qanday ijobiy natija bermasligi aniq. 

Axir joyida qolgan kallaning bo‘ynidagi bo‘yinbog‘ini yechib tashlash orqali biror o‘zgarishga erishib bo‘ladimi? 

Shavkat Mirziyoev amaldorlardan deklaratsiya talab qilishni hech bo‘lmasa jiyani Abbos Mirziyoevdan boshlasa, xalq prezidentning shijoatiga ozgina bo‘lsa ham ishonarmidi?!

Eltuz.com muxbiri

Tag‘in o‘qing
8 sentyabr 2015
O‘zbekiston hukumati, XMT, Umumjaxon banki, Xalqaro Kasaba uyushmalari konfederatsiyasi, Xalqaro ish beruvchilar tashkiloti, BMT, Yunisef, Yevropa Ittifoqi shuningdek, AQSh, ...
10 iyun 2016
10 iyun kuni, O‘zbekiston Mustaqil huquq himoyachilari tashabbus guruhi raxbari Surat Ikromov tarqatgan matbuot bildirishiga ko‘ra, ro‘za boshlangan 2016 ...
3 iyun 2020
Bir narsaga e'tibor qaratdim: AQShda bo‘layotgan voqealarga e'tibor rus internetida juda yuqori; runetda bu voqealarni anarxiya deb qoralash, afroamerikaliklarni ...
6 aprel 2016
O‘zbekistondagi partiyalarning nashrlarini ko‘zdan kechirib, ularning parlamentdagi deputatlariga o‘z saylovchilari bilan ogohlik, hushyorlik, “yot g‘oyalarga qarshi kurash” mavzularida uchrashuvlar ...
Bloglar
2 mart 2021
Bir og‘aynim qo‘qqisdan men haqimda daholarcha bashorat qilib bunday deb qoldi: Kerak bo‘lsa, ming foiz ...
25 fevral 2021
Bolaligimda mendan 5-6 yosh katta qo‘shni kaptarvoz bola bo‘lardi. Ko‘pincha kaptarlari bizning hovlimizga uchib kelib ...
17 fevral 2021
Hali gazga o‘tilmagan yonilg‘i sifatida faqat benzindan foydalaniladigan vaqtlar edi. Benzin esa avtomobillarga yonilg‘i quyish ...