Asosiy mavzular
26 fevral 2020

Sobiq bosh prokuror, DXXning sobiq raisi va o‘rinbosariga sud hukmi e'lon qilindi

O‘zbekiston Oliy sudi matbuot xizmatining xabar berishicha, 2020 yil 25 fevral kuni O‘zbekiston Respublikasi Harbiy sudida Jinoyat kodeksining 210-moddasi va boshqa moddalarida nazarda tutilgan jinoyatlarni sodir etganlikda aybdor deb topilgan sobiq bosh prokuror Otabek Murodov hamda DXX sobiq raisi Ixtiyor Abdullaev va uning o‘rinbosari Jahongir Igamovga nisbatan jinoyat ishini ko‘rib chiqish bo‘yicha sud jarayoni nihoyasiga yetgan va sud hukmi e'lon qilingan.

O‘tkazilgan yopiq sud majlisida sudlanuvchilarning, yetmishdan ortiq jabrlanuvchi va guvohning ko‘rsatmalari tinglanib, muhokama qilingan. Shuningdek, dastlabki tergov organi tomonidan to‘plangan dalillarga baho berilib, sudlanuvchilarning vajlari tekshirilgan.

Sud jinoyat ishi materiallarini har tomonlama va to‘liq o‘rganib, sudlanuvchi Otabek Murodovni bir qator jinoyatlarni sodir etganlikda aybli deb topgan.

Matbuot xizmatining xabarida aytilishicha, sudlanuvchi O.Murodovga nisbatan jazo chorasini belgilashda sud O‘zbekiston Konstitutsiyasi va jinoyat qonunchiligida belgilangan insonparvarlik va adolat tamoyillariga asoslangan.

Xususan, sudlanuvchining sodir etgan jinoyatlari uchun chin ko‘ngildan pushaymon ekanligi va jinoiy qilmishlarni fosh qilishda faol yordam berganligi hamda jinoyat oqibatida yetkazilgan zarar to‘la qoplanganligiga e'tibor qaratilgan.

Natijada sodir etilgan jinoyatning xususiyati va ijtimoiy xavflilik darajasi, sudlanuvchining shaxsi, oilaviy ahvoli, yashash joyidan ijobiy tavsiflangani kabi jazoni yengillashtiruvchi holatlar e'tiborga olinib, Otabek Murodovga 5 yil muddatga ozodlikni cheklash jazosi tayinlangan.

Eslatib o‘tamiz, Oliy Majlis Senatining 2019 yil 21 iyun kuni bo‘lib o‘tgan 20-yalpi majlisida O‘zbekiston prezidenti Shavkat Mirziyoev sobiq bosh prokuror Otabek Murodovni katta miqdorda pora olganlikda ayblab, ustidan jinoyat ishi ochilganini ta'kidlagan edi. Bu haqida «Eltuz» nashri o‘z vaqtida xabar bergan edi. 

Shuningdek, Oliy sud matbuot xizmatining xabarida sudning hukmiga ko‘ra, Otabek Murodovga 5 yil, Ixtiyor Abdullaevga 19 yil, Jahongir Igamovga 19 yil ozodlikdan mahrum qilish jazosi tayinlanib, har biri muayyan muddatga mansabdorlik va moddiy javobgarlik bilan bog‘liq lavozimlarda ishlash huquqidan mahrum qilinganligi bayon etilgan.

Eltuz.com

Tag‘in o‘qing
1 iyul 2019
O‘zbekistonda hokimiyat organlarining axborot makonini vertikal nazorat qilishning yangi tizimi yo‘lga qo‘yilmoqda. Bu esa axborotning yagona markazdan turib boshqarilishini ...
8 fevral 2018
Bir guruh o‘zbek faollari va huquq himoyachilari 5 fevral kuni O‘zbekistonning marhum prezidenti Islom Karimovga yodgorlik yaratmaslikni so‘rab britaniyalik ...
17 noyabr 2020
Malaka sertifikatini olish 2023 yildan talab qilinishi kutilmoqda. Mamlakatning davlat tilini targ‘ib qilish to‘g‘risidagi so‘nggi bayonotida O‘zbekiston yuqori davlat ...
21 dekabr 2018
Qalin kurtkalar, quloqchinlar kiyib, smartfon yorug‘ida turgan bu odamlar – Namangan musiqali drama aktyorlari. «Eltuz»ga ushbu suratni jo‘natgan muxlisga ...
Bloglar
23 noyabr 2021
Yangi milliy kutubxona qurilishi (yangi milliy teatr qurilishi ham) yangi va yap-yangi O‘zbekistondagi eng keraksiz ...
21 noyabr 2021
Siyosatchi bo‘lish¸ siyosatga kirish bugungi O‘zbekistonda boshni kundaga qo‘yish bilan barobar. Bu haqda Jahongirga yozuvdim ...
11 noyabr 2021
Xalqaro jurnalist «Agneshkaxon voqeasi» ko‘p savollarga javoblarni ochib berdi. Kelinglar, jonajon akkreditatsiyadan boshlaymiz. Aynan ularni ...