Catira
20 avgust 2020

O‘zbekistonda AES qurilishi shartnomasi hali tayyor emas

Rossiyaning «Nezavisimaya gazeta» nashriga ko‘ra, O‘zbekistonda atom elektr stantsiyasi (AES)ni qurish bo‘yicha shartnoma hali tayyor emas, Rossiya tomoni bilan muzokaralar davom etmoqda.

Bu haqda dushanba kuni jurnalistlarga O‘zbekiston energetika vazirining o‘rinbosari Sherzod Xo‘jaev ma'lum qildi. «Aytishim mumkinki, biz shartnomaning barcha detallarini muhokama qilish uchun marra chizig‘iga yetib keldik», dedi Xo‘jaev.

Vazir o‘rinbosarining so‘zlariga ko‘ra, tomonlar shartnomani «kamchiliklarsiz», o‘zaro manfaatli tarzda imzolash uchun barcha texnik va moliyaviy unsurlarini ishlab chiqishmoqda. Ikki mamlakat rahbariyati imzolash muddatlari bo‘yicha bir-biriga qat'iy shartlar qo‘ymayapti, deya qo‘shimcha qildi u.

Fevral oyi oxirida «Rosatom» davlat korporatsiyasi rahbari Aleksey Lixachyov O‘zbekistonda atom elektr stantsiyasi uchun EPC shartnomasini (shartnoma ishning uch bosqichini o‘z ichiga olgan: loyihalashtirish, uskunalar xaridi va qurilish – tahririyatdan) 2020 yil iyunida imzolash kutilayotganini aytgan edi.

Londondagi Sharq va Afrika tadqiqotlari instituti tahlilchisi Alisher Ilhomov hukumatning O‘zbekistonning Jizzax viloyatida atom elektr stantsiyasini qurish va «Rosatom» bilan tegishli bitim tuzish haqidagi qarori O‘zbekiston manfaatlariga javob bermaydi, deya hisoblaydi.

«Bu stantsiya qurilishi butun mamlakat uchun iqtisodiy jihatdan zararli va xavfli bo‘lgan rejadir. Iqtisodiy nuqtai nazardan, muqobil energiya manbalari, ayniqsa, qayta tiklanadigan energiya turlari O‘zbekistonga atom elektrostantsiyalariga qaraganda ancha ko‘p va tezroq iqtisodiy samara beradi», deydi Alisher Ilhomov.

Joriy yilning fevral oyida O‘zbekiston Energetika vazirligi «yaqin kelajakda» AES qurilishining atrof-muhitga ta'sirini baholash bo‘yicha mamlakatda va qo‘shni davlatlarda, xususan, Qozog‘istonda jamoatchilik muhokamalari o‘tkazilishi haqida xabar qilgan edi.

Eltuz.com

Tag‘in o‘qing
7 iyul 2017
Xiva yodgorliklari 19 may kungi Vazirlar Mahkamasi qarori bilan tag‘in «rekonstruktsiya» qilinadigan bo‘ldi. Qarorga ko‘ra Xiva xonining yozgi «Nurillaboy» ...
9 fevral 2022
2021 yil 3 fevral kuni toshkentlik faol Aleksey Garshin Samarqand shahri yaqinidagi ruhiy kasalliklar shifoxonasining yopiq bo‘limida majburiy davolanayotgan ...
24 iyun 2019
O‘zbek futboli tarixidagi “nomi qoralar” ro‘yxatida birinchilar qatorida turadigan Samvel Babayan mamlakatning beli eng baquvvat futbol klublaridan biri – ...
16 noyabr 2023
Shu yilning fevral oyida O‘zbekiston Energetika vaziri Jo‘rabek Mirzamahmudov boshchiligidagi vazirlik delegatsiyasi bir hafta davomida Xitoyda bo‘lib qaytdi. O‘zbekiston ...
Bloglar
23 yanvar 2025
O‘zbekiston mudofaa vaziri Xolmuxammedov bosqinchi gazanda Rossiya bilan 2026-2030 yillarda harbiy sohada strategik hamkorlik dasturi ...
20 yanvar 2025
O‘zbekiston prezidenti uyida yirtqich hayvon¸ ilon va xasharotlarni boqadiganlar jazolanishi haqidagi qarorni 16 yanvar kuni ...
12 yanvar 2025
Turli mavzularga o‘z qarashi bilan farqlanadigan bloger Kirpi Prezidentning 380-sonli qarori asosida 1000ta kitobning o‘zbek ...