Asosiy mavzular
13 oktyabr 2020

“Samosud”chi fermer ustidan jinoyat ishi ochildi

3 oktyabrda Navoiy viloyatining Qiziltepa tumani “Yangi hayot” mahallasi hududida joylashgan fermer xo‘jaligi rahbari J.N. ishchisi S.Sh.ni sazoyi qilib, tahqirlab, daraxtga bog‘lab ketdi.

Ijtimoiy medianing o‘zbek segmentida bu “samosud” videosi tarqalgani ortidan fermerning qilmishiga IIB e'tibor qaratdi.

Fermer qo‘lida ishlovchi boshqa ishchining aytishicha, voqea kunduzi tushdan so‘ng sodir bo‘lgan. Yollanma ishchi S.Sh. sal oldin fermer xo‘jaligi rahbari J.N.ni haqorat qilgan.

Bu qonunbuzarlik yuzasidan “Eltuz” muxbiri IIB va mahalla xodimlari, fermer xo‘jaligida ishlaydigan boshqa bir ishchining fikrlari bilan qiziqdi.

Ishchining aytishicha, S.Sh. ikki yildan buyon J.N.ning qo‘lida yollanma mavsumiy ishchi bo‘lib ishlaydi. Yaqin kunlardan buyon fermer bilan o‘rtasida gap qochib yurgan. 

Suhbatdoshning aytishicha, S.Sh. ko‘p ichadi va ichganda o‘zini bilmay qoladi. O‘sha kuni, ya'ni 3 oktyabrda ham u mast bo‘lgan. Fermerni kurakda turmas so‘zlar bilan haqorat qilgan. Bu voqeaga boshqa ishchilar ham guvoh bo‘lgan. J.N. jahl ustida ishchisini kaltaklab, qayoqqadir ketgan. Bu orada S.Sh. janjal bo‘lgan yerda uxlab qolgan.

Qiziltepa tumani IIBga yaqin mulozimning aytishicha, g‘azablangan fermer qo‘shni fermer xo‘jaligida ishlaydigan traktorchi bilan qaytib kelib, S.Sh.ni o‘lasi qilib urib, keyin uni traktor tirkamasiga chiqargan (“Eltuz”ga taqdim etilgan video aynan tirkama ustida olingan). 

J.N. hamma yog‘i qon, bo‘yniga ip bog‘liq S.Sh.ni fermer xo‘jaligidan uzoq bo‘lmagan yerdagi daraxtga bog‘lab ketgan. Bu paytda S.Sh. o‘zida bo‘lmagan. Taxminan bir soat ichida S.Sh. o‘ziga kelgan  va guvohlar yordamida tuman shifoxonasiga yotqizilgan.

Bu voqeaga oid video 7 oktyabrda ijtimoiy tarmoqlarda tarqaladi. Keng jamoatchilik e'tiboriga tushgandan so‘nggina bu ish nazoratga olingan.

Ungacha na mahalla noziri, na IIB bundan xabar topmagan. Qolaversa, shifoxonada S.Sh. holati yomon bo‘lishiga qaramay, tibbiy ekspertiza tayinlanmagan.

IIBga yaqin mulozimning xabar berishicha, hozir “samosud” voqeasi yuzasidan jinoyat ishi qo‘zg‘atilib, surishtiruv ishlari olib borilmoqda.

“Eltuz” muxbiri “samosud” qahramonlari bo‘lgan fermer va ishchining o‘zi  bilan bog‘lana olmadi.

So‘ngso‘z o‘rnida aytish mumkinki, O‘zbekistonda bunga o‘xshash voqealarni videoga olish yangilik bo‘lmay qoldi. Bozorda chek tarqatuvchi farg‘onalik ayol, o‘z uyida eri bilan begona ayolni ushlab olgan va uni qo‘shnilari bilan kaltaklagan xorazmlik xotin, haydovchilarni “sotib” yurgan xorazmlik ayolning ular tomonidan kaltaklanishi… 

Xullas, bunday voqealarga misollarni ko‘plab keltirish mumkin.

Eltuz.com

Tag‘in o‘qing
25 noyabr 2019
O‘zbekiston prezidenti Shavkat Mirziyoev nihoyat Toshkent shahri hokimi Jahongir Ortiqxo‘jaevning jurnalistlariga tahdidiga o‘z munosabatini bildirdi. Garchi uning bayonotida aynan ...
25 mart 2016
«Jahon» axborot agentligining bir qancha mahalliy nashrlarda bosilgan xabarida Shanxay hamkorlik tashkiloti rasmiy saytida «O‘zbekiston iqtisodiyotidagi barqaror o‘sish tamoyili ...
10 aprel 2016
O‘zbekiston dorixonalarda sotiladigan dori-darmonlarning anchagina qismi noqonuniy yo‘llar bilan olib kirilishi yoki qalbaki ekani to‘g‘risida ko‘p aytiladi. «Diyonat» gazetasi ...
28 iyun 2016
Toshkentlik Muxiddinov Samad Murodovich va Namangan shahridan 22 yashar Abrorjon Ustaboev Ayubxon o‘g‘li Istanbuldagi Otaturk xalqaro aeroportida yuz bergan ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...