Catira
3 noyabr 2020

Cho‘chqa tasviriga qadimchilar «allergiya»si

G‘afur G‘ulom nomidagi nashriyot-matbaa ijodiy uyida chop etigan «O‘zing yasab ol» jurnalida cho‘chqa rasmi tasvirlangani O‘zbekistondagi qadimchi konservatorlar qatlami tarafidan dushmanlarcha qarshi olindi.

O‘zbekistondagi radikal dindorlar minbari sifatida ko‘riladigan nashrning jazavasini jurnalist Nozim Safariy cho‘chqafobiya va syurrealizm, deb atadi.

“Azon.o‘z saytidagi maqola shunchalik syurrealistik va konspirologik hamda kulguliki, ayrim iqtiboslarini sizlar bilan bo‘lishgim keldi):

«G‘afur G‘ulom nomidagi nashriyot-matbaa ijodiy uyida chop etilibdi. Demak, cho‘chqa targ‘iboti juda katta idoralar rahnamoligida olib borilyapti».

«Xuddi musulmonlarni ichdan yemirishga qaratilgan harakatga o‘xshaydi. Bugun cho‘chqaning shaklini yasagan bola unga oddiy qarashni boshlaydi, ertaga qo‘shnisi cho‘chqa boqib, butun mahallani sasitsa ham indamaydi, cho‘chqa go‘shtini tortinmay yeyaveradi…».

«Musulmonlarga zarar yetkazish maqsadida ong ostiga qilinayotgan bu kabi hujumlarga befarq bo‘lmanglar».

«Nashr muallifi Shuhrat Mirfayozovning cho‘chqa fermasi bo‘lsa kerak. Shu orqali o‘z mahsulotlarini sotishni qasd qilgandir».

Sog‘lom aql bilan qaralganda cho‘chqaning oddiy suratidan bunday konspirologiya yasash kuchli narkomaniyaga o‘xshaydi)). Mayli, o‘zlari bilishadi. Mana, uchinchi kundirki, maqolani eslab kulib yuribman. Kayfiyat uchun rahmat».

Tadbirkor va bloger Firuz Allaev esa hazilomuz tarzda «Simba» mulfilmini ham taqiqlashni taklif qilibdi. Chunki filmda barchamiz yoshligimizda sevib tomosha qilgan Pumba obrazi bor.

Maqola muallifi mantig‘i bilan qaralganda, to‘g‘ri tashabbus. «Nu pogodi»ni ham taqiqlash kerak, chunki plyajda yotgan cho‘chqa tasviri bor.

«Xulosa qilib aytganda, cho‘chqa tasviridan qo‘rqish g‘alati. Uni iste'mol qilmaslik buyurilgan. Qog‘ozdagi tasvirni esa yeyish qiyin nazdimda».

Bu hol kitob noshirlari va klassik adabiyot muxlislari tomonidan ajablanish bilan qarshilandi. Allaevning fikrini davom ettirgan Zafar Solijonov esa bid'atchilarga qaysi mamlakatda va qaysi davrda yashayotganimizni anglatishga urinadi:

“Nega konspirologiyalarga ishonib, fobiyada (qo‘rqib) yashash kerak? Agar bu fikrlar to‘g‘ri deydigan bo‘lsak, unda «Vinni Pux», «Xryusha» va boshqa shu kabi multfilmlarni ham taqiqlaylik. Mana shu multfilmlar davrida ham haqiqiy islom olimlari yetishib chiqdi-ku. Nima bo‘lyapti sizlarga? Nega har narsaga xavf deb qarayapsiz? Tanlov bor-ku hammada. Yana bir gap. Konstitutsiya, 1-modda, O‘zbekiston — suveren demokratik respublika. Unutmaylik a, iltimos. Sizlarga boshqa gapim yo‘q».

Ingliz yozuvchisi Jorj Oruell o‘zining “Molxona” asarini 1945 yili chop qilgan. Kitob har bir  insonni mulohaza qilishga undaydi: nega bu dunyomiz shunday, u aslida qanday bo‘lishi kerak…  «Molxona“ jahon adabiyoti tarixidagi eng muvaffaqiyatli va bahsli asarlardan biri hisoblanadi. Asar g‘oyasidan kelib chiqib asosiy namuna sifatida SSSR olinganligini faraz qilish mumkin.

Eltuz.com

Tag‘in o‘qing
23 noyabr 2017
1 noyabrdan boshlab poytaxt bozorlarida aholining birlamchi ehtiyojlari uchun zarur bo‘lgan ayrim turdagi mahsulotlarning eng yuqori narxlari o‘rnatildi. Toshkent ...
7 noyabr 2018
Qo‘shko‘pir tumani hokimligidagi tungi majlisni yoritmoqchi bo‘lgani uchun yetti sutkaga qamalib, 5 noyabr kuni ozodlikka chiqqan urganchlik 47 yashar ...
25 aprel 2018
O‘zbek milliy kinosini shakllantirgan mashhur rejissyor Shuhrat Abbosov 25 aprel kuni 87 yoshida olamdan o‘tdi. So‘nggi soatlarda «Eltuz»ga ma'lum ...
17 yanvar 2024
Umri kresloda mudrab o‘tadigan falaj o‘zbek parlamenti ilkis «tirilib» ekologiya vaziriga qarab prezident aytmoqchi «vovullabdi». Kesakdan uchqun chiqishiga ishonsam ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...